Gjykata në Moskë lë në fuqi dënimin prej 9 vjetësh burgim ndaj Navalnyt

Evropë

Gjykata në Moskë lë në fuqi dënimin prej 9 vjetësh burgim ndaj Navalnyt

Më: 24 maj 2022 Në ora: 16:07
Aleksei Navalny

Gjykata e qytetit të Moskës ka lënë në fuqi vendimin për burgim prej 9 vjetësh për politikanin opozitar, Aleksei Navalny, i cili veçse është në burg për një dënim të mëhershëm. Ai dhe mbështetësit e tij thonë se akuzat janë të motivuara politikisht.

Navalny mori pjesë në seancën dëgjimore të 24 majit përmes video-lidhjes nga burgu në rajonin Vladimir.

Kritiku i Kremlinit, që u dënua me 9 vjet burgim në mars, teksa ishte duke e vuajtur një dënim për një vepër tjetër, gjatë fjalimit përfundimtar, duket se dënoi autoritetet ruse për pushtimin e paprovokuar të Ukrainës, dhe përsëriti qëndrimet se të gjitha akuzat ndaj tij janë të motivuara politikisht.

“Jeni ju, sistemi juaj dhe [presidenti i Rusisë, Vladimir] Putini që jeni tradhtarët e popullit rus... Unë jam i gatshëm të qëndroj në burg për t’ua dëshmuar të gjithëve në Rusi se kështu është e vërteta”, tha Navalny para gjykatës.

Më 22 mars, Navalny u dënua me 9 vjet burgim për shkak të akuzave për përvetësim dhe mosbindje ndaj gjykatës.

Ndërkaq, më 24 maj, një gjykatë tjetër në Moskë refuzoi një apel tjetër të Navalnyt, pasi shërbimi monitorues financiar shtetëror, Rosfinmonitoring, e shtoi atë dhe 11 bashkëpunëtorët e tij në listën e “terroristëve dhe ekstremistëve”./REL

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat