Thatësira në Itali/ Qyteti i Romeos dhe Zhulietës merr masa drastike

Evropë

Thatësira në Itali/ Qyteti i Romeos dhe Zhulietës merr masa drastike

Më: 3 korrik 2022 Në ora: 08:06
Qyteti i Veronës

Qyteti i Veronës në Itali, ka vendosur ditën e sotme që të kufizojë përdorimin e ujit të pijshëm për të përballuar thatësirën që po prek gadishullin.

“Për shkak të situatës meteorologjike dhe pasojave të saj në furnizimin me ujë, kryetari i bashkisë ka nënshkruar një urdhëresë që kufizon përdorimin e ujit të pijshëm vetëm për qëllime shtëpiake”, tha vendlindja e Romeos dhe Zhulietës në një deklaratë në faqen e saj të internetit.

Deri më 31 gusht do të ndalohet përdorimi i ujit të pijshëm për ujitje të perimeve, luleve dhe fushave sportive. Gjithashtu nuk lejohet të përdoret në pishina apo për larjen e makinave. Komuna nënvizoi se kushdo që shkel këto kufizime mund të gjobitet deri në 500 euro.

Komunitete të tjera italiane kanë miratuar masa të ngjashme, por Verona është qyteti më i madh deri më tani që është detyruar të vendosë kufizime të tilla drastike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat