Pas nëntë vjetëve, Berlusconi po i rikthehet skenës politike

Evropë

Pas nëntë vjetëve, Berlusconi po i rikthehet skenës politike

Më: 10 gusht 2022 Në ora: 19:06
Silvio Berlusconi

Ish-kryeministri italian Silvio Berlusconi ka njoftuar se do të kandidojë për një vend në Senat në zgjedhjet e muajit të ardhshëm dhe do të përpiqet të kthehet në poste publike pas nëntë vjetësh.

Miliarderi dhe manjati i medias nisi një fushatë marketingu përpara njoftimit, duke i thënë radios shtetërore se “masa njerëzish” nga brenda lëvizjes Forza Italia dhe më gjerë i kanë kërkuar atij të kandidojë në zgjedhjet e 25 shtatorit, raporton theguardian.

Ekranet e mëdha në stacionet e metrosë në të gjithë vendin tregojnë një version më të ri të Berlusconit me mesazhin “Tani më shumë se kurrë – zgjidhni një anë”.

Ai ka udhëhequr katër qeveri që nga hyrja në politikë në vitin 1994, por iu ndalua përkohësisht të mbante poste publike pas një dënimi në vitin 2013 për mashtrim tatimor.

Qeveria e fundit ishte shkarkuar mes një krize të borxheve dhe një skandali të ndejave seksuale të njohura si “bunga bunga” në vilën e tij pranë Milanos.

Ndryshe, 85-vjeçari u përpoq të bëhej president i Italisë në janar, por nuk kandidoi pasi kuptoi se nuk do të siguronte vota të mjaftueshme nga parlamentarët. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat