Tentoi të grabiste bankën/ Mediat italiane: 70 mijë euro shpenzime për të shpëtuar një hajdut

Evropë

Tentoi të grabiste bankën/ Mediat italiane: 70 mijë euro shpenzime për të shpëtuar një hajdut

Më: 12 gusht 2022 Në ora: 20:59
Foto ilustrim

Mediat italiane i kanë kushtuar shumë vëmendje lajmit të djeshëm se si dështoi tentativa e grabitjes se një banke, ku disa persona u bllokuan në një tunel që kishin hapur vetë.

 

 

Ngjarja ndodhi në Via Innocenzo në Romë, ku personat tashmë të arrestuar kishin planifikuar që tuneli që u shemb t’i çonte tek institucioni financiar. Por gjithçka rezultoi e dështuar, pasi një pjesë e tunelit u bllokua, duke zënë një prej autorëve brenda.

Një prej autorëve të dyshuar është nxjerrë nga rrënojat vetëm 8 orë pasi qëndroi i bllokuar në tunel. Mediat italiane raportojnë se Andrea Grassi kërkoi ndihmë në polici, pasi i telefonoi dhe i tregoi koordinatat e vendndodhjes.

Mësohet se autorët kishin hapur gropën 6 metra të tellë duke nisur nga dyshemeja e një dyqani, gërmime që mendohet se kanë nisur mbrëmjen e së mërkurës dhe me 15 gusht mendohet se do të bëhej edhe grabitja.

Katër burra ndodheshin brenda në tunel, por 3 prej tyre arritën të dilnin para se të shembej duke lënë Andrea Grassin të bllokuar brenda.

Ndërkohë, dy prej tyre, Antonio Pinto, 46, dhe Mario Mazza, 57-vjeç u arrestuan për “rezistencë ndaj një zyrtari publik” pasi u përpoqën të arratiseshin nga vendi.

Corriera Della Serra raporton se ky operacion për shpëtimin e tij do i kushtoj italianëve 70 mijë euro, pasi në operacionin për shpëtimin e një prej autorëve u përdorën makineri speciale si dhe u angazhuan 50 zjarrfikës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat