Burri që kishte shtënë me armë mbi autorin e sulmit në Cetinje është i paqasshëm për policinë e Malit të Zi

Evropë

Burri që kishte shtënë me armë mbi autorin e sulmit në Cetinje është i paqasshëm për policinë e Malit të Zi

Më: 13 gusht 2022 Në ora: 20:59
Pamje nga vendi i ngjarjes

Burri, N.K nga Cetinja që qëlloi për vdekje autorin e sulmit të përgjakshëm Vuk Borilloviq, aktualisht nuk është i qasshëm për policinë. Kështu bëri të ditur Aleksandar Boshkoviq, shef i Departamentit për Parandalimin e Krimit të Përgjithshëm në Sektorin e Luftimit të Krimit, ka deklaruar për televizionin publik të Malit të Zi.

Akoma nuk është vërtetuar nëse Borilloviq kishte ndërruar jetë nga plumbat e shkrepur nga policia apo nga burri me inicialet N.K.

“Janë ndërmarrë të gjitha masat që ai (N.K.) të sigurohet si dhe të sigurohet prezenca e tij lidhur me këtë çështje”, shtoi Boshkoviq.

I pyetur nëse është konfirmuar motivi i sulmit të djeshëm, ku si pasojë mbetën të vrarë 11 persona dhe 6 tjerë u plagosën në Cetinje, Boshkoviq tha se hetimet janë duke vazhduar.

“Hetimet preliminare tregojnë se autori i sulmit ditëve të fundit ka shfaqur shenja të mëdha të ndryshimit të sjelljeve – madje ai kishte të caktuar një termin për kontroll te mjeku”, shtoi Boshkoviq.

Ai gjithashtu ka theksuar se është bërë obduksioni i autorit të krimit, si dhe deri më tani nuk mund të jep detaje – duke pranuar vetëm shkurt se në kufomën e viktimës ka pasur shumë plagë nga arma e zjarrit.

Pas shkëmbimit të zjarrit mes sulmuesit dhe policisë, sipas Borilloviqit, disa plumba u shkrepën edhe nga N.K. nga Cetinja.

“Deri më tani nuk mund të konfirmojnë nëse vdekja erdhi si pasojë e plagosjes nga ana e policisë apo e qytetarit nga Cetinja”, shtoi Boshkoviq.

Kujtojmë që të premten rreth 15:30 policia e Malit të Zi, ka marrë informacione që në Medovina ka pasur të shtëna armësh. Policia fillimisht u kishte dalë në ndihmë të plagosurve, më pasi Borilloviq i kishte qëlluar me armë zjarri.

“Pasi janë përmbushur të gjitha kushtet edhe policia i është kundërpërgjigjur duke shkrepur mbi 20 plumba. Gjatë shkëmbimit të zjarrit është plagosur një zyrtar policor”, tha për fund zyrtari policor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat