Përveç dëmeve masive në njerëz e banesa, tërmeti i sotëm në Turqi ka shkatërruar dhe infrastrukturë thelbësore të vendit.
Tundjet shkatërrimtare në jug të vendit kanë dëmtuar linjën e gazit natyror në rajon, konfirmonte grupi shtetëror energjitik BOTAS.
Ndërsa në video që qarkullojnë online shihen shtëllunga masive flakësh që ngrihen në ajër prej tubacioneve.
Zyrtarët turkë thonë se tërmeti me magnitudë 7.6 ka varë qindra njerëz dhe ka shkatërruar infrastrukturë civile e shtetërore.
BOTAS shtoi se ka ndërprerë furnizimet me gaz pas tërmetit, por thyerja në tubacionet e zonës Kilis po ushqehet nga gazi që gjendej brenda tyre.
Video që besohet se vijnë nga zona në fjalë tregojnë të paktën dy vendndodhje që kanë marrë flakë të mëdha.
Tërmeti shkatërrimtar goditi mëngjesin e sotëm në jug të Turqisë dhe veriun e Sirisë.
