Qindra kontejnerë transporti u dogjën sot në portin Iskenderun të Turqisë, duke detyruar anijet e mallrave të devijojnë rrugën e tyre për në portet e tjera detare.
Autoritetet turke njoftuan të hënën se porti, i vendosur në bregdetin e Mesdheut, në provincën jugore të Hatay, u dëmtua për shkak të tërmetit që goditi Turqinë dhe Sirinë.
Pamjet me dron treguan flakët e mëdha që po shkatërrojnë kontejnerët, ndërsa aeroplanët me ujë po mundohen të ndalin zjarrin që shpërtheu të hënën, raporton reuters.
Ndërkohë, më shumë se 1200 ndërtesa u shkatërruan nga tërmeti vetëm në provincën Hatay.
Iskenderun është vendi ku zhvillohet industria e rëndë, si çeliku dhe është një nga dy qendrat kryesore të kontejnerëve në brigjet juglindore të Turqisë.
Ndryshe, porti fokusohet veçanërisht në tregtinë e brendshme turke.
