Tetë të lënduar në një aksident në ditën e parë të “Oktoberfest” në Mynih të Gjermanisë

Evropë

Tetë të lënduar në një aksident në ditën e parë të “Oktoberfest” në Mynih të Gjermanisë

Më: 17 shtator 2023 Në ora: 20:33
Foto ilustrim

Një aksident në ditën e parë të “Oktoberfest”-it tradicional të Mynihut në Gjermani la tetë persona të lënduar, tha policia lokale të dielën.

Mjekët trajtuan në vend tetë persona me lëndime të lehta dhe dy prej tyre u transportuan në spital për trajtim të mëtejshëm, shkruajnë mediat e huaja.

Aksidenti thuhet se ndodhi në atraksionin e quajtur “Höllenblitz” (ose “Rrufeja nga Ferri”).

Oktoberfest u hap të shtunën dhe tenton të tërheqë rreth gjashtë milionë vizitorë.

Festivali në kryeqytetin bavarez do të mirëpresë mysafirë nga tani deri më 3 tetor, me rreth një të tretën e vizitorëve që vijnë nga jashtë, veçanërisht nga Azia.

Kjo ngjarje zakonisht gjeneron rreth 1.2 miliard euro përfitime ekonomike për Gjermaninë.

comment Për komente lëvizni më poshtë
Sot mund të lexoni Shfletoni kopertinat