Në fjalën e saj hapëse rreth tryezës së rrumbullakët, kryeministrja italiane Giorgia Meloni thotë se qëllimi i udhëheqjes italiane të G7-ës është t’i “i japë vlerë asaj që na bashkon” dhe të jetë në gjendje të “dialogojë me të gjithë”.
Grupi nuk është një “kështjellë e mbyllur në vetvete”, thotë ajo, por përkundrazi një “enë vlerash” që ne duam t’i “hapim botës”, shkruan bbc.
Meloni thotë se Pulia – një rajon në bregun juglindor të Italisë – u zgjodh për të pritur samitin pasi përfaqëson dëshirën e tyre për të forcuar marrëdhëniet me jugun global.
Gjatë tre ditëve të ardhshme, thotë ajo, ata kanë plane për të diskutuar luftërat në Ukrainë dhe Lindjen e Mesme, si dhe për të ndërtuar mbi kryesinë e Japonisë të organizatës vitin e kaluar, duke punuar në zinxhirët e furnizimit dhe inteligjencën artificiale.
Meloni falënderon kolegët e saj udhëheqës për pjesëmarrjen në samit, duke thënë se ajo ka “nderin e madh” që mund t’i mirëpresë ata në Pulia.
