LIVE: “Sulm i turpshëm”, Zelensky reagon ashpër – Putin vjen me paralajmërimin e radhës!

Ukraina ka siguruar lirimin e 49 personave që po mbaheshin nga Rusia në një shkëmbim të ri të burgosurish me Moskën, njoftoi të premten Presidenti ukrainas Volodymyr Zelenskyy.

Shkëmbim u mundësua me ndërmjetësimin e Emirateve të Bashkuara Arabe, tha një zëdhënës i agjencisë ushtarake të zbulimit të Ukrainës.

“Një kthim tjetër i njerëzve tanë – një objektiv i përhershëm i yni për të cilin ne punojmë pa pushim për ta realizuar... Duhet t’i sjellim në shtëpi të gjithë njerëzit tanë, ushtarë e civilë”, tha Presidenti Zelenskyy në një postim në platformën sociale X, ndërkohë që njoftoi për shkëmbimin e 56 personave me Rusinë.

Shefi i kabinetit të zotit Zelenskyy, Andriy Yermak tha në platformën Telegram se në mesin e ukrainasve të liruar ishin shtatë civilë si dhe pjesëtarë të forcave të armatosura, të gardës kombëtare, policisë si dhe pjesëtarë të shërbimit kufitar.

Ukraina nuk njoftoi se sa shtetas rusë janë liruar. Moska ende nuk ka komentuar për këtë shkëmbim.

Pamjet nga një vend i paidentifikuar, të publikuara nga Ukraina tregonin pjesëtarët e forcave të sigurisë që po priteshin me buqeta lulesh, përqafime dhe parulla ku shkruhej: “Ju faleminderit që qëndruat.”

Kievi dhe Moska kanë shkëmbyer shpesh të burgosur që kur Rusia sulmoi Ukrainën. Shkëmbimi i të premtes është i dyti që kur Ukraina nisi sulmin e ndërkufitar në rajonin rus të Kurskut në fillim të gushtit.

Ukraina thotë se ka rrëmbyer të paktën 600 ushtarë rusë gjatë këtij operacioni dhe se përmes tyre do të sigurojë kthimin e ukrainasve të kapur nga forcat ruse.

Zoti Yermak tha se disa nga ukrainasit e liruar kishin qenë pjesë e forcave që kanë mbrojtur Mariupolin dhe fabrikën e çelikut Azovstal në portin jugor, skenë e luftimeve të ashpra dhe që tani është pushtuar nga forcat ruse.

Avokati i Popullit i Ukrainës, Dmytro Lubinets tha se deri më tani Ukraina ka siguruar kthimin e 3,569 personave që po mbaheshin nga Rusia që nga fillimi i luftës./VOA

Ambasadori i Rusisë në OKB, Vassily Nebenzia, i tha Këshillit të Sigurimit të OKB-së të premten se nëse vendet perëndimore lejojnë Ukrainën të kryejë sulme me rreze të gjatë në Rusi, atëherë vendet e NATO-s do të “bënin luftë të drejtpërdrejtë me Rusinë”.

“Faktet janë se NATO do të jetë një palë e drejtpërdrejtë në armiqësitë kundër një fuqie bërthamore, unë mendoj se ju nuk duhet ta harroni këtë dhe të mendoni për pasojat”, i tha Nebenzia këshillit 15 anëtarësh.

Komentet i bëjnë jehonë fjalëve të presidentit rus Vladimir Putin, i cili të enjten tha se çdo vendim perëndimor për të lejuar Kievin të përdorë armë të tilla me rreze më të gjatë kundër objektivave brenda Rusisë do të thotë se NATO do të ishte “në luftë” me Moskën – një përshkallëzim dramatik i retorikës së tij për luftën, e cila filloi me pushtimin rus në shkurt 2022″.

“Kjo do të ndryshonte në një mënyrë domethënëse vetë natyrën e konfliktit”, i tha presidenti rus një gazetari të televizionit shtetëror.

Ai shtoi se “kjo do të thotë se vendet e NATO-s, SHBA, vendet evropiane, janë në luftë me Rusinë”. Putin theksoi se Rusia do të marrë “vendime të duhura bazuar në kërcënimet me të cilat do të përballemi” si rezultat.

Zëdhënësi i Kremlinit Dmitry Peskov tha të premten se Putini i kishte dhënë një mesazh të qartë perëndimit në lidhje me pasojat e lejimit të Ukrainës për të goditur territorin rus dhe se nuk kishte dyshim se mesazhi i Putinit kishte arritur tek ata për të cilët ishte menduar.

Kryeministri i Mbretërisë së Bashkuar Keir Starmer është në Uashington për t’u takuar me presidentin amerikan Joe Biden, në të cilin pritet që ata të bien dakord që Ukraina të mund të përdorë raketat “Storm Shadow” të furnizuara nga Britania në caqet brenda Federatës Ruse.

Statusi i Krimesë mbetet një pikë mosmarrëveshjeje midis Moskës dhe Ankarasë, por Rusia po bën çdo përpjekje për të bindur homologët e saj turq për qëndrimin e saj, tha të premten zëdhënësi i Kremlinit, Dmitry Peskov.

Gjatë një konference për shtyp në Moskë, Peskovit iu kërkua të komentojë deklaratat e fundit të bëra nga presidenti turk Rexhep Tajip Erdogan për Krimenë, zëdhënësi i Kremlinit tha “Kjo temë i përket kategorisë së mosmarrëveshjeve që ekzistojnë mes nesh dhe miqve tanë turq”.

Pavarësisht kësaj, Peskov theksoi përpjekjet e vazhdueshme të Rusisë për të sqaruar qëndrimin e saj ndaj Ankarasë, ku tha se “Ne vazhdojmë t’u shpjegojmë perspektivën tonë kolegëve dhe miqve tanë turq dhe mbetemi të përkushtuar ndaj këtyre përpjekjeve.”

Ai shtoi se ndërsa Rusia shpreson se Ankaraja do të kuptojë më mirë pozicionin e saj me kalimin e kohës, marrëdhëniet e të dy vendeve po zhvillohen.

“Ne besojmë se kjo përfundimisht do të çojë në harmonizim më të madh, me Turqinë që të pranojë arsyetimin tonë. Ndërkohë, ne vazhdojmë të forcojmë marrëdhëniet tona me Turqinë,” theksoi ai.

Një raketë ruse goditi një anije civile që transportonte grurë nga Ukraina, e cila tashmë ishte larguar nga ujërat e Ukrainës në Detin e Zi, tha presidenti ukrainas Volodymyr Zelensky.

Zelensky tregoi se anija ishte rrugës për në Egjipt, raportoi Reuters. Ministri i Jashtëm ukrainas Andriy Sibiha tha se sulmi rus në një anije që transportonte grurë në Detin e Zi ishte një “sulm i turpshëm” ndaj lirisë së lundrimit dhe sigurisë globale të ushqimit.

Zëdhënësi i marinës ukrainase Dmytro Pletenchuk i tha agjencisë britanike se anija e goditur nga raketa ruse ishte në zonën ekonomike detare të Rumanisë në kohën e sulmit.

Pletenchuk shtoi se Rusia përdori bombarduesit Tu-22 për sulmin.

Nga ana tjetër, zëdhënësja e Administratës Detare Rumune, Irina Puskasu, deklaroi se anija që transportonte grurë, për të cilën Ukraina pretendon se është goditur nga një raketë ruse në një sulm nate, nuk ishte në ujërat territoriale rumune.

“Gjithçka që mund t’ju them për atë anije në këtë pikë është se ajo nuk ishte në ujërat tona territoriale”, i tha Puskas Reuters.

Në fillim, u duk se inkursioni i Kievit në Kursk, e kapi në befasi Rusinë. Megjithatë, pas shumë viktimash, terreni të humbur tani, Rusia po kërkon të kthejë tavolinat për Ukrainën me kundërsulmin e saj të Kurskut, e cila është pritur me miratim nga legjioni rus i “milblogerëve” pro luftës dhe pro-Kremlinit, ekspertë rusë të mbrojtjes që komentojnë rregullisht luftën, të cilët vlerësuan kundërsulmet në Kursk dhe përpjekjet për të rimarrë territorin. Dhe kjo realisht ka ndodhur.

Rusia ka nisur një kundërsulm në rajonin kufitar Kursk , ku forcat ukrainase muajin e kaluar nisën një inkursion të befasishëm ndërkufitar. “Rusët kanë filluar veprimet kundërsulmuese”, tha presidenti ukrainas Volodymyr Zelensky gjatë një konference për shtyp të enjten, komentet e tij të para që kur dolën raporte për luftimin e Rusisë në Kursk. Ukraina ka pritur një reagim rus dhe një kundërofensivë është në përputhje me ‘planin ukrainas’, tha Zelensky. Megjithatë, hakmarrja ruse nuk do të ndalet me kaq, pasi duket se ka ende “hesape” të palara edhe me Perëndimin.

Sulm bërthamor

“Rusia duhet të shprehë qartë gatishmërinë e saj për të përdorur armë bërthamore kundër vendeve që mbështesin agresionin e NATO-s në Ukrainë, tha në një intervistë për Kommersant Sergey Karaganov, një shkencëtar politik me ndikim që kryeson Këshillin për Politikën e Jashtme dhe të Mbrojtjes dhe ushtron presion mbi Presidentin rus Vladimir Putin, për të mbajtur një qëndrim më të vendosur bërthamor ndaj Perëndimit. “Moska mund të nisë një sulm të kufizuar bërthamor ndaj një vendi të NATO-s pa filluar një luftë bërthamore gjithëpërfshirëse.

Shtetet e Bashkuara të Amerikës gënjyen kur u thanë aleatëve të tyre se u garantonin mbrojtje bërthamore… Të gjithë armiqtë tanë aktualë dhe të ardhshëm duhet të jenë të sigurt se Rusia është e gatshme të përdorë armë bërthamore” shtoi ai. Karaganov i bëri këto kërcënime të rrezikshme disa javë pasi Ukraina pushtoi një pjesë të rajonit të Kurskut të Rusisë. “Ne kemi të drejtë t’i përgjigjemi me një goditje bërthamore të gjitha sulmeve masive në territorin tonë”, tha ai.

Paralajmërimi ogurzi

Deklaratat e tij ogurzeza, të cilat theksojnë qartë mendimin e Rusisë për politikën e jashtme, të mbrojtjes dhe ato bërthamore, vëzhgohen nga afër nga ekspertët perëndimorë të sigurisë. Megjithëse fjalët e Karaganov nuk përfaqësojnë politikën zyrtare ruse, Kremlini e ka lejuar vazhdimisht atë të ndikojë drejtpërdrejt në Presidentin Putin. Ju kujtojmë se ishte Karaganov ai që bëri thirrje për më shumë se një vit për të ndryshuar doktrinën bërthamore ruse, të cilën Moska tani ka thënë se do ta rishikojë.

Dhe sipas asaj aktuale, Rusia do të ishte e gatshme të përdorte armë bërthamore në përgjigje të një sulmi bërthamor nga një vend tjetër ose një sulmi konvencional që do të kërcënonte ekzistencën e shtetit. “Kjo doktrinë është e papërgjegjshme dhe madje edhe vetëvrasëse, sepse nuk është në gjendje t’i pengojë në mënyrë adekuate armiqtë e Rusisë dhe t’i bëjë ata të besojnë se nuk ka asnjë rrethanë në të cilën Moska do të përdorte armë bërthamore”, përfundoi Karaganov.

Dronët rusë brenda NATO-s

Së fundmi, Letonia dhe Rumania kanë akuzuar Rusinë për shkeljen e hapësirës së tyre ajrore me dronë, duke ngritur shqetësime për sigurinë midis anëtarëve të NATO-s. Në Rumani, një avion luftarak F-16 u vendos pasi një dron rus thuhet se hyri në hapësirën e tij ajrore gjatë sulmeve pranë Danubit. Letonia raportoi se një dron rus u rrëzua pranë qytetit Rezekne, afër Bjellorusisë. Shkeljet e raportuara kanë ngjallur shqetësim për konfrontimin e shtuar midis NATO-s dhe Rusisë, pasi Presidenti Vladimir Putin ka fajësuar vazhdimisht  aleatët perëndimorë të Kievit për vendimin e tij për të pushtuar Ukrainën dhe akuzoi NATO-n për “provokimin” e Moskës me zgjerimin e saj drejt lindjes.

Rusia filloi konfliktin në Ukrainë dhe mund ta përfundojë atë “menjëherë”, tha kryeministri i Britanisë së Madhe, Keir Starmer.

Komentet e tij vijnë pasi presidenti rus Vladimir Putin paralajmëroi se Rusia do të ishte në luftë me NATO-n nëse do të lejonte Ukrainën të përdorte armë me rreze të gjatë për të goditur Rusinë.

Starmer, i cili ndodhet në Uashington për bisedime me presidentin amerikan Joe Biden, tha: “Rusia e filloi këtë konflikt. Rusia pushtoi ilegalisht Ukrainën. Rusia mund ta përfundojë këtë konflikt menjëherë”.

Ai më vonë shtoi: “Për të përsëritur, ishte Rusia që e filloi këtë në radhë të parë. Ata e shkaktuan konfliktin, janë ata që veprojnë në mënyrë të paligjshme.”

Forcat ajrore të Ukrainës kanë njoftuar në mëngjes se kishin rrëzuar 24 nga 26 dronë rusë.

Guvernatori rajonal, Oleh Kiper pohoi se mbeturinat e dronëve gjatë rënies në tokë në rajonin jugor të Odesës plagosën një person dhe dëmtuan 20 shtëpi dhe katër garazhe.

Mbetjet e dronit në rajonin jugor të Mykolaiv shkaktuan një zjarr në një ndërmarrje ushqimore që u shua, tha guvernatori rajonal Vitaliy Kim, raporton skynews.

Guvernatori i rajonit perëndimor të Ivano-Frankivsk, Svitlana Onyshchuk, tha se autoritetet po merren me pasojat e sulmit, por nuk dha detaje, përveçse se tha se askush nuk ishte lënduar.

Ministria e Energjisë e Ukrainës tha se Rusia kishte sulmuar infrastrukturën energjetike në gjashtë rajone gjatë ditës së kaluar dhe kishte dëmtuar infrastrukturën industriale në rajonin Ivano-Frankivsk.

Guvernatori i rajonit qendrorm, Khmelnytskyi nuk raportoi për dëme pas sulmit.

Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale.

Ministria ruse e Mbrojtjes bën fjalë për rimarrjen e dhjetë fshatrave.

Në rajonin perëndimor të Rusisë Kursk, sipas të dhënave që përputhen nga të dyja palët e konfliktit ka nisur kundërofensiva për rimarrjen e territoreve nën kontrollin e Ukrainës. Ministria ruse e Mbrojtjes në shërbimin online Telegram deklaroi, se ushtarët brenda dy ditëve ia kanë dalë të rimarrin dhjetë fshatra. Njësitë ruse të trupës së veriut kanë depërtuar në rajon.

Selenskyj: Po zvarritet ndihma perëndimore

Ofensiva ukrainase nisi në fillim të gushtit. Presidenti i Ukrainës Volodymyr Selenskyj konfirmoi kundërofensivën, Në sfondin e gjendjes ushtarake ai akuzoi aleatët perëndimorë, se po e zvarrisin mbështetjen për vendin e tij.

Ushtria ukrainase më 6 gusht nisi një ofensivë ushtarake në rajonin kufitar rus Kursk. Qysh atëherë, sipas të dhënave të saj u vunën nën kontroll 100 fshatra ruse dhe gati 1.300 km katror territor. Depërtimi ukrainas në territorin rus ishte i pari veprim i këtij lloji që nga fillimi i luftës sulmuese ruse kundër Ukrainës në shkurt 2022.

Shërbimi Federal i Sigurisë i Rusisë (FSB) i ka akuzuar gjashtë diplomatë britanikë për spiunazh dhe ka thënë se ka vendosur t’ua heqë atyre akreditimin.

Televizioni shtetëror rus e citoi një zyrtar të FSB-së të ketë thënë se ata do të dëbohen.

FSB-ja pretendon se mori dokumente që tregojnë se ata ishin dërguar në Rusi nga një divizion i Ministrisë së Jashtme britanike dhe se “detyra kryesore e tyre është shkaktimi i një disfate strategjike ndaj vendit tonë”.

Sipas saj, ata ishin përfshirë “në grumbullimin e të dhënave dhe në aktivitete armiqësore”.

FSB-ja tha se Rusia do t'iu kërkojë diplomatëve të tjerë britanikë të largohen më herët, nëse zbulon se janë të përfshirë në aktivitete të ngjashme.

Ky vendim u mori vetëm dy ditë pasi Shtetet e Bashkuara dhe Britania u zotuan se do ta ndihmojnë Ukrainën me 1.5 miliard dollarë shtesë, dhe pasi zyrtarët ukrainas i vazhduan kërkesat ndaj Perëndimit për përdorimin e raketave perëndimore për sulme thellë brenda Rusisë.

Zëdhënësja e Ministrisë së Jashtme ruse, Maria Zakharova, u citua nga agjencia shtetërore e lajmeve TASS të ketë thënë se aktivitetet e Ambasadës britanike në Moskë kanë "tejkaluar kufijtë" e konventës diplomatike, duke e akuzuar atë për aktivitete me qëllim për ta dëmtuar popullin rus.

Shtëpia e Bardhë po finalizon planet për të lehtësuar kufizimet me të cilat përballet Ukraina për përdorimin e armëve të dhuruara nga SHBA për t’u mbrojtur më mirë nga raketat ruse, sipas një zyrtari perëndimor dhe dy personave të tjerë të njohur me këtë çështje, shkruan Politico. Diskutimet u mbajtën brenda një grupi të vogël zyrtarësh të Shtëpisë së Bardhë, tha një nga personat e përfshirë në diskutim. Detajet e planit janë ende duke u rënë dakord. Zyrtarët në Uashington, Londër dhe Kiev kanë diskutuar zgjerimin e zonës brenda Rusisë që Ukraina mund të godasë me armë të prodhuara nga SHBA dhe Britania ditët e fundit. Ata diskutuan gjithashtu se si të parandalohen sulmet e reja ndërkufitare nga Rusia, duke përfshirë Shtetet e Bashkuara që pranojnë të lejojnë Ukrainën të përdorë raketa britanike me rreze të gjatë që përmbajnë pjesë amerikane për sulme brenda Rusisë.

Heqja e vetos

Bisedimet aktuale midis Uashingtonit dhe Kievit përfaqësojnë një ndryshim të rëndësishëm në tonin nga ato që dy vendet zhvilluan disa javë më parë. Kjo do të thotë se administrata e Bidenit mund të jetë gati të pranojë përfundimisht kërkesat e Kievit për të lejuar ushtrinë ukrainase të krijojë një mbrojtje më të fortë dhe të ndërmarrë lëvizje më agresive brenda Rusisë. Sekretari i Shtetit Antony Blinken dhe homologu i tij britanik David Lammy ishin në Kiev të mërkurën për të biseduar me presidentin ukrainas Volodymyr Zelensky për armët, ndërhyrjen e Ukrainës në Rusi dhe përparimet ruse në Ukrainë. Pas bisedimeve në Kiev, Blinken hodhi aludimin më të fortë deri më tani se Shtëpia e Bardhë do të heqë kufizimet e saj ndaj Ukrainës, shkruan Guardian. Burimet e qeverisë britanike në vend të kësaj treguan se vendimi për të lejuar Ukrainën të përdorë raketat e lundrimit Storm Shadow në objektivat brenda Rusisë ishte marrë tashmë, megjithëse nuk pritej të shpallej publikisht të premten kur kryeministri Keir Starmer do të takohej me Presidentin Joe Biden në Uashington.

Ndryshimi i “lojës”

Furnizimi dhe përdorimi i këtyre sistemeve të armëve ka qenë gjithmonë subjekt i vendosjes së kufijve të caktuar: “vijat e kuqe” tashmë të njohura, brenda të cilave raketat e lundrimit nga ajri lëshonin Storm Shadow , ose Scalp-Eg për francezët që ata furnizojnë së bashku. me britanikët (dhe ndoshta edhe me vendin tonë, red. ) të cilat kanë një rreze maksimale prej 250 kilometrash pasi lëshohen nga transportuesi ajror që i transporton, dhe raketat taktike tokë-tokë Atacms të lëshuara nga platformat tokësore të lëvizshme të Himarsit me një distanca prej 300 kilometrash, mund të përdoret. Heqja e ndalimit të Londrës, Parisit dhe Uashingtonit , që do të përkthehej në përdorim të lirë të këtyre armëve në territorin rus, nëse marrim parasysh edhe pjesën e pushtuar në rajonin e Kurskut , ku trupat elitare ukrainase ruajnë pozicionet e tyre pas kundërsulmit . -sulm-invazioni i cili filloi më 6 gusht, do t’i lejonte Kievit të godiste me saktësi të lartë dhe vdekjeprurëse bazat, pistat ajrore, bunkerët dhe depot e municioneve në Rusi.

Sulme në territorin rus

Përdorimi i lirë i armëve me rreze të gjatë në territorin rus do ta detyronte Moskën në mënyrë efektive të ” të zmbrapsë dislokimin ” e trupave të saj, të zhvendoste selitë dhe linjat e furnizimit, duke lënë baza mbi të cilat ajo nuk mund të garantonte mbrojtjen kundërajrore “të qëndrueshme ndaj raketave”. “Stealth: sepse nuk harron se raketat Storm Shadow janë armë të zhvilluara posaçërisht për të mos u gjurmuar lehtë nga mbrojtja e kundërshtarit. Bazat e para ruse që do të viheshin nën vështrimin e Kievit do të ishin ato të përdorura për të nisur sulmet ajrore me bombat rrëshqitëse Fab 3000 dhe vende të tjera me rëndësi jetike për aparatin ushtarak rus dhe për kryerjen e operacioneve të saj ushtarake në Ukrainë. Vetëkuptohet se Kremlini ka deklaruar tashmë se në rast të një vendimi të tillë, “përgjigja do të jetë adekuate”.