Kryeministri hungarez tregoi se çfarë sigurie i duhet Ukrainës

Evropë

Kryeministri hungarez tregoi se çfarë sigurie i duhet Ukrainës

Më: 23 maj 2026 Në ora: 12:02
Peter Magyar

Kryeministri hungarez, Peter Magyar, ka deklaruar se bashkësia ndërkombëtare nuk arriti të përmbushë detyrimet e saj ndaj Ukrainës, pavarësisht garancive të dhëna me Memorandumin e Budapestit të vitit 1994.

Duke folur për luftën në Ukrainë dhe sigurinë në Evropë, ai rikujtoi se memorandumi, i nënshkruar në Budapest, ishte krijuar për të garantuar integritetin territorial dhe pavarësinë e Ukrainës, pas heqjes dorë të Kievit nga arsenali bërthamor sovjetik.

Sipas tij, zhvillimet e viteve të fundit kanë treguar se garancitë ndërkombëtare nuk funksionuan në praktikë dhe se Ukraina mbeti pa mbështetjen e mjaftueshme për të mbrojtur sovranitetin e saj.

“Problemi është se bashkësia ndërkombëtare nuk e përmbushi vërtet detyrën e saj dhe nuk garantoi integritetin dhe pavarësinë e Ukrainës”, tha ai.

Kryeministri hungarez theksoi se zgjidhja e konfliktit duhet të vijë përmes një marrëveshjeje paqeje, por jo vetëm në nivel politik. Ai insistoi se çdo marrëveshje e ardhshme duhet të përfshijë garanci konkrete dhe afatgjata sigurie për Ukrainën, në mënyrë që të shmangen rreziqe të ngjashme në të ardhmen.

Deklarata e tij vjen në një kohë kur diskutimet për sigurinë evropiane dhe mbështetjen perëndimore për Ukrainën vazhdojnë të jenë në qendër të debateve ndërkombëtare.

comment Për komente lëvizni më poshtë
Sot mund të lexoni Shfletoni kopertinat