Valon Ramadani kandidat i VV-së në Ferizaj

Ferizaj

Valon Ramadani kandidat i VV-së në Ferizaj

Nga: A.SH Më: 14 gusht 2021 Në ora: 23:08
Valon Ramadani

Lëvizja Vetëvendosje ka zyrtarizuar kandidaturën e Valon Ramadanit për kryetar të saj në Ferizaj.

“Në përputhje me statutin, me shumicë votash u zgjodh kandidat për kryetar të Ferizajt, kryetari i Qendrës dhe deputeti Valon Ramadani, e poashtu u zgjodhën 20 kandidatë të propozuar nga struktura”, thuhet në njoftimin e Vetëvendosjes.

Njoftimi i plotë:

VALON RAMADANI ZGJEDHET KANDIDAT PËR KRYETAR TË KOMUNËS SË FERIZAJT

Të nderuar qytetarë të Ferizajt, të dashur aktivistë e anëtarë të Lëvizjes VETËVENDOSJE!, ju njoftojmë se në mbledhjen e Këshillit të Qendrës të mbajtur sot gjatë ditës, delegatët e të gjitha fshatrave e zonave të qytetit votuan kandidatin për kryetar komune si dhe kandidatët për asamble nga rradhët tona.

Në përputhje me statutin, me shumicë votash u zgjodh kandidat për kryetar të Ferizajt, kryetari i Qendrës dhe deputeti Valon Ramadani, e poashtu u zgjodhën 20 kandidatë të propozuar nga struktura.

Në fillim të javës do të bëhet publike lista e plotë e kandidatëve për asamble.

Na priftë e mbara!

#17tetor

#VETËVENDOSJEPërKOMUNËN!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat