​Masat antiCOVID, gjobiten 98 qytetarë në Ferizaj

Ferizaj

​Masat antiCOVID, gjobiten 98 qytetarë në Ferizaj

Më: 30 gusht 2021 Në ora: 16:33
Foto ilustrim

Në zbatim të vendimit të fundit të Qeverisë për kontrollin, parandalimin dhe luftimin e COVID-19, ekipe të përbashkëta të policisë kanë shtuar aktivitetet e tyre në rajonin e Ferizajt.

Në kuadër të këtyre aktiviteteve, sot nga ora 08:00-16:00, përveç 40 vërejtjeve policore, policia ka shqiptuar 98 gjoba ndaj qytetarëve, të cilët nuk i kanë respektuar masat.

Këto masa, në masë të madhe janë duke u respektuar nga shumica e qytetarëve, të cilët edhe i falënderojmë, por janë hasur edhe persona të cilët nuk i kanë përfillur të njëjtat dhe ndaj tyre policia ka qenë e detyruar t’u shqiptojë gjoba.

Drejtoria Rajonale e Policisë në Ferizaj do të vazhdojë me aktivitete të tilla në parandalim dhe respektim të masave antiCOVID-19, sipas vendimit të fundit të Qeverisë së Kosovës.

Policia apelon qytetarët dhe pronarët e lokaleve që t’i respektojnë masat e parapara ligjore me qëllim të ruajtjes së shëndetit të tyre dhe shëndetit publik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat