Agim Aliu shpalos programin për mandatin e ardhshëm, për Ferizajn e zhvilluar

Ferizaj

Agim Aliu shpalos programin për mandatin e ardhshëm, për Ferizajn e zhvilluar

Më: 9 tetor 2021 Në ora: 20:40
Agim Aliu

Sot, përmes një video-adresimi në faqen e tij në Facebook, Kryetari i Ferizajt Agim Aliu paraqiti platformën e tij elektorale, të cilën e ofron si premtim për katër vitet e ardhshme për qytetin dhe qytetarët e Ferizajt.

Ashtu siç ishte shprehur gjatë shpalosjes së projekteve të veçanta, edhe sot, kandidati i PDK-së për të parin e Ferizajt, premtoi se kryetemë e fushatës së tij do të jetë gjelbërimi i qytetit, ku përveç shumë pikave dhe parqeve të vogla, do të ndërtohen edhe katër parqe të mëdha dhe do të investohet intenzivisht në gjelbërimin e qytetit dhe fshatrave të Ferizajt.

Po ashtu, Aliu premtoi se do të vazhdojë fuqishëm transformimin urban dhe infrastrukturor të Ferizajt, me nënkalime, parkingje, shtigje të biçiklistëve e rrugë të reja, ndërsa nuk do të mungojnë edhe projektet e zhvillimit ekonomik, mbështetje të fuqishme në bujqësi, si dhe projekte të veçanta për rininë e sportin, ku vlen të veçohen projektet e ndërtimit të stadiumit dhe pallatit të sporteve luftarake.

Platforma zgjedhore e Agim Aliut, gjithashtu ofron edhe shumë investime në shëndetësi, kulturë, arsim dhe shërbime më të mira sociale, administrative, publike dhe ambientale për qytetarët e Ferizajt.

Platforma e plotë dhe e detajuar është e publikuar edhe në portalin AgimAliu.com, ndërsa të plotë mund ta ndiqni edhe në linkun më poshtë:

commentFirst article
Sot mund të lexoni Shfletoni kopertinat