Policia Rajonale e Ferizajt del me një apel për drejtuesit e automjeteve

Ferizaj

Policia Rajonale e Ferizajt del me një apel për drejtuesit e automjeteve

Më: 28 tetor 2021 Në ora: 13:18
Ilustrim

Drejtoria Rajonale e Policisë në Ferizaj sot ka nisur një aktivitet, ku përmes shpërndarjes së disa fletushkave ka apeluar tek drjetuesit e të gjitha kategorive të automjeteve, që të bëjnë kujdes gjatë drejtimit në mot me mjegull.

Ka filluar shfaqja/prezenca e mjegullës në vendet ku pozita gjeografike është më e ulët.

Më konkretisht policia rajonale e Ferizajt, përmes kësaj komunikate u ka rekomanduar drejtuesve të automjeteve që :

– Mos harroni se ngasja në mjegull mund të jetë e rrezikshme!

-Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve.

– Përdorni dritat e mjegullës. Nëse automjeti juaj i ka këto drita, kjo ju ndihmon të ndriçohet rruga para jush dhe këto drita e bëjnë automjetin tuaj më të dukshëm për shoferët e tjerë. Disa automjete kanë edhe dritat e pasme të mjegullës të cilat ndihmojnë shoferët që lëvizin mbrapa t’ju shohin juve edhe nga një distancë më e madhe.

-Mjegulla mund të krijojë një iluzion optik dhe t’i bëjë shoferët të mendojnë se po shkojnë më ngadalë seç janë. Mbani vëmendjen, mos shpejtoni!

-Ndizni dritat gjatë ngasjes, por mos ndizni dritat me rreze të gjatë!

Ngasja e automjetit me drita të gjata mund të reflektojë jashtë mjegullës dhe mund të kthehet në automjetin tuaj, e cila gjithashtu e bën të pamundur që shoferët e tjerë t’ju shohin.​

-Mbani ndezur dritat e shkurtra dhe të mjegullës!

Mbani nën kontroll shpejtësinë e lëvizjes!

Mbani krahun e djathtë të rrugës gjatë lëvizjes!

Image
Policia Rajonale e Ferizajt del me një apel për drejtuesit e automjeteve
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat