​Operacioni “Transporti”, kapet një sasi e mallrave pa dokumente në Ferizaj

Ferizaj

​Operacioni “Transporti”, kapet një sasi e mallrave pa dokumente në Ferizaj

Më: 22 nëntor 2021 Në ora: 18:41
Foto ilustrim

Policia e Kosovës, me autorizim të Prokurorisë Themelore në Ferizaj, në muajin tetor ka filluar hetimet kundër disa shtetasve të dyshuar kosovarë, nën dyshimin e kryerjes se veprës penale tregti e ndaluar.

Në vazhdën e hetimeve, sot në rajonin e Ferizajt, është realizuar plani operativ i koduar me emrin “Transporti”.

Në kuadër të këtij plani, Sektori i Hetimeve i Departamenti të Policisë Kufitare, në asistim edhe të Njësive tjera të Departamentit të Policisë Kufitare, kanë ndaluar për kontroll pesë automjete, ku janë gjetur dhe sekuestruar një sasi e konsiderueshme e mallrave komerciale pa dokumente përkatëse.

Sipas udhëzimeve të Prokurorisë Themelore në Ferizaj, lidhur me këtë është iniciuar rast penal nën dyshimin e kryerjes së veprës penale tregti e ndaluar, malli është konfiskuar nga Dogana e Kosovës, ndërsa personat e dyshuar pas intervistimit lirohen në procedure të rregullt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat