Aksioni i Policisë në shkollat e Ferizajt, kapen drogë, armë e thika

Ferizaj

Aksioni i Policisë në shkollat e Ferizajt, kapen drogë, armë e thika

Më: 24 dhjetor 2021 Në ora: 10:27
Ilustrim

Policia ka vazhduar aksionin rreth shkollave në Ferizaj, e ku tek nxënësit janë gjetur substanca narkotike, armë dhe thika.

Kështu ka njoftuar Drejtoria e Policisë për Rajonin e Ferizajt.

“Sektori Rajonal i Hetimeve mbi bazën e disa informacioneve që ka pranuar rreth dukurive negative të nxënësve dhe personave tjerë nëpër shkolla, pas disa kontrollove të zhvilluara nga polic me rroba civile , janë ndaluar disa persona të dyshuar , ku gjatë kontrollimit të tyre, tek 3 persona janë gjetur substancë e dyshuar e narkotikëve , tek 2 persona të dyshuar janë gjetur 2 armë ( pistoleta), ndërsa te disa tjerë janë gjetur thika. Policia i ka marr veprimet e nevojshme dhe me vendim të Prokurorit nga Prokuroria Themelore e Ferizajt, ndaj tyre janë iniciuar raste penale ‘Mbajtje në pronësi, kontroll ose posedim i paautorizuar i armës’ dhe ‘Posedim i narkotikëve’ për procedura të mëtejme hetimore”, thuhet në komunikatën për medie të policisë.

Aksioni i policisë do të vazhdojë edhe në ditët në vijim në parandalimin dhe luftimin e dukurive negative rreth dhe nëpër shkolla.

Policia Rajonale e Ferizajt fton qytetarët për bashkëpunim që nëse kanë informacione rreth dukurive negative nëpër shkolla të njoftojnë menjëherë policinë, stacionin më të afërt , apo përmes aplikacionit digjital ‘’Lajmëro Policinë ’’ dhe në numrat kujdestarë : 192 , 0290/326-250 & 0290/322-406.

Të dhënat e juaja do të ruhen në konfidencialitet të plotë .

Policia Rajonale e Ferizajt fton qytetarët për bashkëpunim që nëse kanë informacione rreth dukurive negative nëpër shkolla të njoftojnë menjëherë policinë, stacionin më të afërt , apo përmes aplikacionit digjital ‘’Lajmëro Policinë ’’ dhe në numrat kujdestarë : 192 , 0290/326-250 & 0290/322-406.

Të dhënat e juaja do të ruhen në konfidencialitet të plotë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat