Ferizaj: Taksisti zemërgjerë shtron iftare për nevojtarët

Ferizaj

Ferizaj: Taksisti zemërgjerë shtron iftare për nevojtarët

Më: 23 prill 2022 Në ora: 20:37
Foto ilustrim

Profesionin si taksistë e ushtron qe 22 vjet, por krahas kësaj, Januz Mustafa ka edhe një angazhim tjetër.

Ky i dyti, përveç kënaqësisë shpirtërore, nuk është se i sjell tjera të ardhura financiare.

Por, kjo nuk e ndali, që të haps një  kuzhinë humanitare, në Ferizaj, ku po shtron falas iftare për personat në nevojë.

“Sot i kemi mbush tri tava me pasul edhe mendojmë me i ushqye 57 familje”, ka thënë Mustafa.

Këtë po e bën falë bashkëpunimit me njerëz të vullnetit të mirë, të cilët po i ndihmojnë duke i dhuruar donacione të ndryshme si ushqim ashtu edhe para.

Nga dita e parë e Ramazanit, në këtë kuzhinë po shërbehet me vete nga një shujtë ushqimi, përfshirë edhe pije. Kjo bëhet nga ora 17:00 deri në orën 18:00.

Këtë kuzhinë Januzi nuk po planifikon ta mbyll as pas ramazanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat