Lirohen për qarkullim dy rrugë në Ferizaj, u bllokuan nga rrëzimi i drunjve

Ferizaj

Lirohen për qarkullim dy rrugë në Ferizaj, u bllokuan nga rrëzimi i drunjve

Më: 27 korrik 2022 Në ora: 21:08
Foto ilustrim

Nga Drejtoria e Policisë Rajonale në Ferizaj kanë bërë të ditur se janë lëshuar për qarkullim dy rrugë të cilat ishin bllokuar si pasojë e rrëzimit të drunjve.

Në njoftimin e lëshuar thuhet se rruga rajonale Ferizaj-Shtime, hyrja në fshatin Lloshkobarë, si dhe rruga “Epopeja e Jezercit”, afër pishinës “Ujëvara”, janë të lira për qarkullim, por se komunikacioni është duke u zhvilluar ngadalë

“Ju njoftojmë se  për shkak te reshjeve të shiut , rreth orës 19:00 në rrugën rajonale Ferizaj-Shtime (në hyrje të fshatit Lloshkobarë) është rrezuar një shtylle elektrike dhe një kulm nga llamarina e një objekti, ku është bllokuar rruga si dhe në rrugën ‘Epopeja e Jezercit’ (afër pishinës ‘Ujëvara’ ) janë rrëzuar dy drunj dhe është bllokuar rruga”.

“Është njoftuar Drejtoria e  Emergjencave e komunës , KEDS- in dhe zjarrfikësit,  ndërsa patrullat policore janë vendosur në këto lokacione për të monitoruar dhe drejtuar komunikacionin për në rrugë tjera/ dytësore. Ndërsa në ora 19:45  janë liruar të dy këto  rrugë dhe komunikacioni është duke u zhvilluar ngadalë,  për shkak të kolonës se automjeteve. Nuk raportohet për të lënduar”, thuhet në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat