Ministri i Kulturës, Hajrulla Çeku ka njoftuar se vetëm 10 ditë pas zjarrvënies, punimet kanë rifilluar në restaurimin e shkollës së parë shqipe (gjimnazi i vjetër) "Ismail Qemali" në Ferizaj.
Ai ka shkruar në Facebook se më 13 mars patën nisur punimet për restaurim e kësaj shkolle por në mëngjesin e hershëm të 14 marsit ndërtesës iu vu zjarri.
“Disa ditë zgjati angazhimi i zjarrfikësve. Pasi na u mundësua qasja, bëmë vlerësimin e dëmeve. I mobilizuam të gjitha kapacitetet për t'i mbyllur procedurat e nevojshme.
Sot, vetëm 10 ditë pas zjarrvënies, punimet kanë rifilluar. Shkolla e parë shqipe (gjimnazi i vjetër) "Ismail Qemali" në Ferizaj do të restaurohet”, ka shkruar ai.
