Në pistën e Zeltweg është zhvilluar sot sesioni i parë i provave të lira të garës së Çmimit të Madh të Austrisë, aty ku ditën e diel do të zhvillohet gara e parë sezonale e botërorit 2020 të Formula 1.
Ashtu sikurse edhe pritej, makina Mercedes ishte më e shpejta në pistë. Lewis Hamilton dha kohën 1’04”816, dulke qenë më i shpejti në pistë. Në vendin e dytë, me 3 të qindtat më shumë u rendit shoku i tij i skuadrës, Valtteri Bottas.
Në vendin e tretë u klasifikua piloti holandez Max Verstappen me Red Bull, fitues vjet në këtë pistë. Ai ishte 6 të qindtat më i avashtë së britaniku. Pas tij u rendit McLaren i Carlos Sainz dhe Racing Point e Sergio Perez.
Vetëm i dhjeti Charles Leclerc me Ferrari, që ishte 1 sekondë më i avashtë se Hamilton. Ndërsa Sebastian Vettel u klasifikua në këtë session të parë në vendin e 12-të. Provat zyrtare do të zhvillohen të shtunën (ora 15:00) dhe gara të dielën, me start ora 15:10.
