Shpërthen makina në Rally Dakar

Formula 1

Shpërthen makina në Rally Dakar

Më: 2 janar 2022 Në ora: 11:35
Shpërthen makina në Rally Dakar

Pa nisur mirë edicioni nr.44 i Rally Dakar një ngjarje e rëndë e ndodhur në Jedah (Arabinë Saudite) ka tronditur këtë turne. Para fillimit të garës së parë, një makinë që ndodhej jashtë hotelit, ka shpërthyer.

Një person është plagosur rëndë (një francez) në këmbë dhe i është nënshtruar ndërhyrje kirurgjikale.

Ndërsa 5 persona të tjerë që ishin me të nuk kanë pësuar asnjë dëmtim.

Sipas organizatorëve dhe policisë lokale, që po heton ngjarjen, shkaku i shpërthimit të makinës është ende i panjohur, por ekziston mundësia e aktivizimit të një bombe. Madje dyshohet për një atentat terrorist.

Kjo ka bërë që të rriten ndjeshëm masat e sigurisë te turneu që ka startuar orët e fundit. Gjithsesi, ngjarja e rëndë ka tronditur organizatorët dhe pjesëmarrësit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat