Rossi: Jemi në qiellin e shtatë

Formula 1

Rossi: Jemi në qiellin e shtatë

Më: 28 qershor 2022 Në ora: 12:03
Rossi

Braktisi sportin e tij të dashur të motoçiklizmit në fund të vitit të kaluar, por Valentino Rossi, legjenda e MotoGP vijon të konkurrojë me skuadrën e tij Mooney VR46 Team. Në garën e fundit në pistën e Assen (Holandë), kjo skuadër korri podiumin e parë në MotoGP, në debutimin e tij në këtë kategori.

Valentino Rossi e ka festuar këtë rezultat fantastik që arriti me pilotin e tij Marco Bezzecchi, që u klasifikua i dyti. Ndërkohë që, fitues doli një pilot që ka dalë nga akademia e Rossi, Francesco Bagnaia.

“Një ditë e paharrueshme për mua, skuadrën time, për këta pilotë dhe sportin tonë. Jam i lumtur që pilotët e Akademisë tonë arrijnë të triumfojnë e renditen të parët. Krenar për skuadrën time dhe këtë rezultat të jashtëzakonshëm”, u shpreh Valentino Rossi.

Pas garës, Bezzecchi shëtiti në pistë për xhiron e nderit me flamurin me nr.46 që mbante Valentino Rossi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat