Ky është i riu nga Kosova, që u vra nga Policia e Gjermanisë

Gjermania

Ky është i riu nga Kosova, që u vra nga Policia e Gjermanisë

Më: 7 shtator 2022 Në ora: 12:59
A.Sinanaj

Një ngjarje tragjike ka ndodhur javën e kaluar në Berlin të Gjermanisë ku një shtetas i Kosovës u qëllua nga policia gjermane.  

Kjo ndodhi shkaku se i njëjti dyshohet se kishte goditur për vdekje me sëpatë një shtetase ukrainase.

Burime të medias brenda organeve të sigurisë, kanë konfirmuar se bëhet fjalë për A.Sinanaj, i lindur me 19.09.1998.

Rasti ka ndodhur në mëngjesin e të dielës dhe se sipas të dhënave të zëdhënësit të Policisë së Berlinit, Stefan Petersen, krimi ndodhi në katin e nëntë të një apartamenti në Lichtenberg.

Mirëpo, rasti është duke u hetuar dhe ka raportime se në pamjet e siguruara nga autoritetet gjermane shihet edhe një person i tretë në rastin në fjalë.

Viktima ishte një ukrainase 27-vjeçare dhe ngjarja ndodhi rreth orës 7:40 të mëngjesit. Tashmë i ndjeri, kosovari 23-vjeçar, kishte goditur gruan me një sëpatë dhe vdiq në vendin e ngjarjes e më pas policët qëlluan për vdekje A.Sinanajn, thuhet në raportin e mediave gjermane.

Kujtojmë se dëshmitarët rrëfyen se burri dhe gruaja ishin fjalosur para ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat