Gjilani shpalosi Muralin e Paqes i punuar në objektin e Zyrës së Kryetarit

Gjilani

Gjilani shpalosi Muralin e Paqes i punuar në objektin e Zyrës së Kryetarit

Më: 15 qershor 2021 Në ora: 15:28
Gjilani shpalosi Muralin e Paqes i punuar në objektin e Zyrës së Kryetarit

Kryetari i Komunës së Gjilanit, Lutfi Haziri, së bashku me gardën ushtarake të Iowas dhe mysafir të shumtë nga institucione të ndryshme lokale e qendrore, kanë shpalosur sot Muralin e Paqes, i cili është punuar nga nxënësit e shkollës së artit dhe mesazhi i tij i qartë është paqe e dhe ndërtimin e saj.

Në fjalën e tij të shkurtër kryetari Haziri, ka thënë se murali i paqes i punuar nga nxënësit e shkollës më të mirë në Republikën e Kosovës, të cilin ia dedikoë partneritetit të veçantë me Sioux City, Iowa-n dhe Gjilanit.

“Murali i paqes që sapo kemi shpalosur ia dedikojmë partneritetit dhe bashkëpunimit të vazhdueshëm që kemi me Sioux Cyti, Iowa dhe Gjilanit, njëkohesisht është rikthim i muralit të paqes i punuar në vitin 2001. Gjilanit do të vazhdojmë ti japim pamje të qytetit me kulturë.

Ne kemi shpallur për artistët e Gjilanit punimin e pesë skulpturave monumentale, që do të vendosen në qytet, përveç monumentit të mjekut që e kemi përzgjedhur tashmë, e që do të vendoset përballë spitalit. Monumentet tjera do të rishpallen dhe do të kenë mundësinë artistët e Gjilanit të lënë gjurmë me vepra në qytetin e tyre”, ka thënë kryetari Haziri, duke uruar ditët e çlirimit për të gjithë qytetarët.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat