Haziri telegram ngushëllimi për familjen e profesorit Kadri Bislimi​

Gjilani

Haziri telegram ngushëllimi për familjen e profesorit Kadri Bislimi​

Më: 20 gusht 2021 Në ora: 14:56
Kadri Bislimi

Kryetari i Komunës së Gjilanit, Lutfi Haziri, me rastin e ndarjes nga jeta të profesorit Kadri Bislimi, ka dërguar telegram ngushëllimi familjes Bislimi, e përmes tyre të gjithë qytetarëve të Gjilanit dhe kolegëve të tij me të cilët ai ka punuar gjithmonë.

Në telegramin e ngushëllimit thuhet:

E nderuara familje Bislimi, kolegë të profesorit, nxënës dhe personel arsimor që jeni njohur me profesorin, ju shpreh ngushëllimet më të sinçerta për humbjen e një njeriu me vyrtyte të larta.

Emri i Kadri Bislimit gjithmonë do të mbetet i freskët në kujtimet tona, sepse ai pas vetes ka lënë një përkushtim dhe përvojë të jashtzakonshme në fushën e arsimit në përgjithësi, që me pedantëri si gjithmonë ka lënë shembull të një profesori të veçantë.

Atë e gjejmë aktiv dhe shumë të vendosur që nga vitit e ’80, kur edhe ka nisur angazhimin e tij permanent në arsim me një vendosmëri të lartë, në rrugën kombetare dhe intelektuale poashtu.

Familja e profesorit të jeni me durim dhe ta përballoni ndarjen nga më i dashuri juaj dhe njeriu me vlerë të madhe Kadri Bislimi, sepse ai nuk është më në mesin tonë, por gjithmonë do të na përcjell me kujtimet, këshillat dhe mësimet e mira që sygjeronte vazhdimisht.

Në emër të të gjithë qytetarëve të Gjilanit, ju shpreh ngushëllime dhe ju garantojmë që do të jemi me familjen në këtë ndarje të rëndë e me dhembje sigurisht.

Lamtumirë profesor!

Shfaq komentet
comments powered by Disqus
Sot mund të lexoni Shfletoni kopertinat