Vrasja e Engjëll Smerqakut, të shtunën protestë në Gjilan

Gjilani

Vrasja e Engjëll Smerqakut, të shtunën protestë në Gjilan

Më: 21 tetor 2021 Në ora: 12:38
Engjell Smerqaku

Të shtunën, më 23 tetor, me rastin e njëvjetorit të vrasjes së 19-vjeçarit, Engjëll Smerqaku, do të organizohet protestë në Gjilan.

Protestuesit do të kërkojnë zbardhjen e vrasjes së 19-vjeçarit, i cili u ther me thikë për vdekje para banesës së tij, në këtë qytet.

“Ne ende jetojmë në ankth, duke mos e ditë se kush e ka kryer këtë vrasje tinzare”, thanë për Sinjalin nga familja e të ndjerit.

Protesta do të mbahet para Kuvendit Komunal në Gjilan, duke filluar nga ora 16:00 dhe do të zgjasë 20-30 minuta.

Familjarët i kanë thënë Sinjalit se me lejen e Policisë, në këtë protestë do të marrin pjesë vetëm 50-60 persona, për shkak të pandemisë dhe masave anti-COVID.

Pjesëmarrësit në këtë protestë janë të obliguar të mbajnë maska mbrojtëse dhe të ruajnë distancën fizike

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat