Gjilani shpërblehet me grant prej 294 mijë euro për performancën e lartë në mjedis

Gjilani

Gjilani shpërblehet me grant prej 294 mijë euro për performancën e lartë në mjedis

Më: 17 nëntor 2021 Në ora: 16:08
Ilustrim

 Komuna e Gjilanit është shpërblyer me grant nga Ministria e Mjedisit dhe Planifikimit Hapësinor dhe Infrastrukturës (MMPHI), në bashkëpunim me organziatën gjermane GIZ në shumën prej 294 mijë euro, për performancne lartë në fushën e mjedisit.

Kryetari në detyrë i Komunës, Lutfi Haziri, ka falënderuar MMPHI për vlerësimin e lartë për Gjilanin.

“Ashtu siç jeni njoftuar në fillim të vitit 2021 kur është bërë lansimi i raundit të tretë të Grantit të Performancës Komunale – Mjedisi i Pastër, komunat i janë nënshtruar tri kritereve të qasjes si dhe janë vlerësuar për tre indikatorë të Qeverisjes së Mirë, të nxjerra nga Sistemi i Menaxhimit të Performancës Komunale (SMPK) në MAPL dhe 8 indikatorë të Menaxhimit të Mbeturinave, të nxjerra nga raportimi vjetor i komunave në Agejncionin për Mbrojtje të Mjedisit të Kosovës (AMMK) në MMPHI.

Sipas procesit të vlerësimit për kritere të qajes dhe indikatorët e performancës, për të cilat detaje jeni njoftuar në Kartën e Vlerësimit, gjatë muajit shtator 2021, komuna juaj fiton 294, 519.00 euro”, thuhet në njoftimin dërguar kryetarit Haziri nga ana e Sekretarit të Përgjithshëm të Ministrisë së Mjedisit, Planifikimit Hapësinor dhe Infrastrukturës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat