Haziri: 61 për qind e gjilanasve janë vaksinuar kundër COVID-19

Gjilani

Haziri: 61 për qind e gjilanasve janë vaksinuar kundër COVID-19

Më: 19 nëntor 2021 Në ora: 12:08
Komiteti i Gjilanit

Komiteti i Gjilanit për parandalimin e përhapjes së COVID-19, nën udhëheqjen e kryetarit në detyrë, Lutfi Haziri, ka mbajtur takimin e rregullt për vlerësimin e situatës së përballjes me këtë virus në dy ditët e fundit.

Kryetari Haziri tha se numri i të infektuarve me COVID-19 është ulur në tetë persona, ndërkohë që ka bërë të ditur se 61 përqind e qytetarëve janë vaksinuar me vaksinën e parë dhe 53 përqind me vaksinën e dytë.

“Të gjitha vlerësimet dhe raportet ditore tregojnë qartë që gjendja pandemike në Gjilan është në nivelin më të ulët të numrit të të infektuarve, ku vetën tetë porsona janë në vet-izolim asnjë rast nuk e kemi në hospitalizim, sikurse që në dy javët e fundit asnjë kërkesë nuk e kemi pasur nga qytetarët për trajtim në shtëpi”, ka thënë kryetari Haziri.

Kryetari Haziri ka apeluar qytetarët që të vazhdojnë të vaksinohen, si mënyra më e mirë e imunizimit kolektiv të popullatës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat