30 gra ndërmarrëse të Gjilanit përfitojnë pajisje efiçiente në vlerë prej 3 mijë euro

Gjilani

30 gra ndërmarrëse të Gjilanit përfitojnë pajisje efiçiente në vlerë prej 3 mijë euro

Më: 22 dhjetor 2021 Në ora: 14:17
Pamje nga takimi

Tridhjetë grave të Gjilanit u janë shpërndarë të mërkurën kontratat si përfituese të granteve nga Millenium Foundation Kosova, Hepl Kosova, në bashkëfinancim me Komunën e Gjilanit, në kuadër të programit “Gratë Ndërmarrëse në Energji”.

Gratë ndërmarrëse kanë përfituar grante në formë të pajisjesve efiçiente (që nuk shpenzojnë shumë rrymë) në vlerë prej 3 mijë euro secila, derisa përfituese kanë qenë kryesisht ato në fushën e rrobaqepësisë.

Kryetari i Komunës, Alban Hyseni, ka falënderuar Millenium Foundation Kosova dhe Hepl Kosova për mbështetjen ndaj grave ndërmarrëse.

“Për mua është shumë me rëndësi që t’u qëndrojmë afër ndërmarrësve, në këtë rast grave ndërmarrëse. Ne jemi zotuar që në kuadër të qeverisjes sonë, pjesëmarrja e grave ka me qenë më e madhe se sa ka qenë më herët, ku zotimi publik qenë 40 përqind, derisa e synojmë edhe 50 përqind. Personalisht besoj shumë në aftësitë dhe të intituitën e natyrshme të grave për të qenë më të përgjegjshme dhe më të zonja në punë”, ka thënë kreu i Gjilanit, Alban Hyseni.

Përndryshe, marrëveshja trepalëshe për këtë projekt është nënshkruar në mujain shkurt, derisa janë zhvilluar dy sesione dëgjimore deri në procedurat e aplikimit.

Në kuadër të këtij projekti, gratë ndërmarrëse në energji do përftojnë edhe trajnime në fushën e biznesit, bazat e kontabilitetit, në marketing, derisa rrobaqepëset do të zhvillojnë trajnim profesional të fushës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat