​Shtyhet seanca e Kuvendit Komunal të Gjilanit për zgjedhjen e kryesuesit

Gjilani

​Shtyhet seanca e Kuvendit Komunal të Gjilanit për zgjedhjen e kryesuesit

Më: 5 janar 2022 Në ora: 09:28
Komuna e Gjilanit

Është shtyrë seanca e Kuvendit Komunal të Gjilanit ku pritej që të zgjedhje kryesuesi.

Sot Komuna e Gjilanit ka njoftuar për shtyrjen e kësaj seancë por që nuk ka treguar se kur do të jetë dita tjetër që do të mbahet.

“Njoftim: Shtyhet seanca e Kuvendit Komunal. Seanca e Kuvendit Komunal të Gjilanit, e paraparë për sot, shtyhet për një ditë tjetër, e cila do të vendoset ndërkohë”, njofton Komuna.

Ndërsa për sot ishte lajmëruar seanca ku asamblistët e Kuvendit Komunal të Gjilanit do të mblidhen sot për të votuar kryesuesin.

Mbledhja ishte paralajmëruar të fillojë në ora 10:00.

Deri më tani Vetëvendosje si partia fituese e zgjedhjeve në krye me Alban Hysenin nuk kanë arritur që të bëjnë koalicion, ani pse ishin në bisedime me Partinë Demokratike të Kosovës.

Më të dalë fitues i zgjedhjeve, Hyseni kishte deklaruar se nuk e përjashton mundësinë e koalicionit me PDK-në në këtë komunë. Ai pati deklaruar se e përjashton koalicionin me LDK-në meqë me të kanë qenë në garë të drejtpërdrejtë.

Kujtojmë që më 9 dhjetor, Hyseni u betua si kryetar i Komunës së Gjilanit e i cili mori detyrën nga Lutfi Haziri i cili kishte qeverisur me këtë komunë për tetë vite.

Kujtojmë që edhe Komuna e Gjilanit kishte shkuar në raundin e dytë zgjedhjeve që u mbajtën me 14 nëntor e që fitues nxorën Alban Hysenin.

Në raundin e dytë, Hysnei nga Vetëvendosje mori besimin e 21 mijë e 800 gjilanasve apo 51,10 përqind të votave. Kurse kundërkandidati i tij, Haziri mori 20 mijë e 865 vota apo 48,90 përqind.

Hyseni e Haziri ishin në garë të ngushtë edhe në raundin e parë të zgjedhjeve që u mbajtën më 17 tetor. Hyseni kishte siguruar 19 mijë e 57 vota, ndërsa Haziri 18 mijë e 546.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat