Hyseni ka pritur sot në takim ambasadorin e OSBE-së, Michael Davenport

Gjilani

Hyseni ka pritur sot në takim ambasadorin e OSBE-së, Michael Davenport

Më: 26 janar 2022 Në ora: 19:55
Pamje nga takimi

Kryetari i Gjilanit, Alban Hyseni ka pritur sot në takim ambasadorin e OSBE-së në Kosovë, Michael Davenprot dhe zyrtarë të tjerë të kësaj organizate ndërkombëtare, me të cilët ka biseduar për aktualitetin në komunë si dhe për projektet e prioritetet që rrisin transparencën dhe përmirësojnë jetën dhe mirëqenien e qytetarëve të këtushëm.

‘Sot kisha kënaqësinë të takoj shefin e misionit të OSBE-së në Kosovë, ambasadorin Michael Davenport, të shoqëruar nga zyrtarë të tjerë të organizatës, me të cilët biseduam për gjendjen në të cilën ndodhet komuna e Gjilanit si dhe projektet e rëndësishme që sjellin benefite për qytetarët e komunës sonë’, ka thënë kryetari Hyseni.

Ai e ka njoftuar ambasadorin me programin qeverisës, i cili përfshinë projekte nga të gjitha fushat, si në arsim, shëndetësi, ekonomi, kulturë, rini e sport.

“Temë diskutimi ishte edhe vizioni e disa nga prioritetet tona për komunën, siç janë ndërtimi i institucioneve të reja dhe demokratike, siguria e qytetarëve, barazia gjinore, të drejtat e pakicave dhe integrimi i tyre në jetën shoqërore dhe institucionale të komunës”, ka thënë Hyseni, duke e falënderuar ambasadorin për mbështetjen.

Kryetari Hyseni dhe ambasadori Davenprot janë dakorduar për vazhdimin e bashkëpunimit në fusha të caktuara, si rritja e transparencës, komunikimit dhe pjesëmarrjes së publikut në vendimmarrje, në përputhje me parimet e qeverisjes së mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat