Komuna e Gjilanit nderon martirët e Llashticës në 23 vjetorin vrasjes makabre

Gjilani

Komuna e Gjilanit nderon martirët e Llashticës në 23 vjetorin vrasjes makabre

Më: 13 prill 2022 Në ora: 16:13
Komuna e Gjilanit nderon martirët e Llashticës në 23 –vjetorin vrasjes makabre

Nënkryetarja e Komunës së Gjilanit, Leonora Morina Bunjaku, së bashku me drejtorin për Kulturë, Rini dhe Sport, Kushtrim Zeqiri, kanë bërë sot homazhe te varrezat e martirëve në Llashticë, në 23 – vjetorin e vrasjes makabre të 26 martirëve.

Nënkryetarja Morina Bunjaku, e cila ka folur në emër të kryetarit Alban Hyseni, ka thënë se asnjëherë nuk do të harrohet masakra e Llashticës, në të cilën nuk u kursyen as fëmijët e as pleqtë.

“Masakrën e Llashticës nuk do ta harrojmë kurrë dhe kërkojmë nga organet e drejtësisë që t’i zbardhin këto vrasje makabre. Lirinë që po e gëzojmë sot nuk u fitua lehtë pasi shumë bij e bija tona ranë dëshmorë e u martirizuam që ne sot të jetojmë të lirë. Pa luftën e UÇK-së dhe pa sakrificën e popullit të Kosovës e në këtë rast edhe të Lashticës ne nuk do të festonim sot”, ka thënë nënkryetarja Morina Bunjaku.

Përndryshe, 23 vite më parë forcat militare e paramilitare serbe vranë 26 banorë të Llashticës, në mesin e të cilëve edhe foshnjën tre javëshe.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat