Kryetari i Komunës së Gjilanit, Alban Hyseni theksoi se projekti “Bulveradi i qytetit” është njëri nga projektet më të mëdha në komunë, i cili pritet të realizohet.
Ai shtoi se ky projekt, një investim prej 20 milionë eurosh, është një hap i madh drejt zhvillimit dhe modernizimit të Gjilanit.
“Kemi siguruar buxhetin dhe tani po ecim përpara, duke sjellë një projekt që do të ndryshojë pamjen e qytetit dhe do të krijojë mundësi të reja për të gjithë banorët”, tha ai.
Ky projekt ishte prezantuar në kuadër të nismës “7 javë – 7 projekte”.
“Hapësira publike, parkingje si zgjidhje e burim i të hyrave, objekti i administratës komunale për punë efikase e shërbime më të mira, për ndryshim radikal. Mbi 30.000 metër katror; mbi 500 parkingje nëntokësore; Mbi 8000 metër katror komuna e re dhe nënkalime, si zgjidhje për trafikun”, shtoi Hyseni.
