Sekuestrohet një revole me municion si dhe gjobiten 14 persona për mosrespektim të kufizimeve të lëvizjes në Prishtinë

Kronikë e zezë

Sekuestrohet një revole me municion si dhe gjobiten 14 persona për mosrespektim të kufizimeve të lëvizjes në Prishtinë

Më: 18 janar 2021 Në ora: 12:24
Foto ilustrim

Në zbatim të masave operative me qëllim goditjen e paligjshmërisë dhe kapjen e personave që qarkullojnë me armë pa leje, polici e rajonit të Prishtinës rreth orës 01:00 ka kryer një kontroll në një lokal gastronomie në rrugën “28 Nëntori” në Prishtinë.

Përgjatë kontrollit siç thekson policia brenda këtij lokali ka arritur që të gjente dhe të sekuestronte:

• Një (1) revole të tipit ZORAKI, kalibër 9 mm

• Gjashtë (6) copë fishekë, kalibër 9 mm, si edhe

• Një (1) gëzhojë. Ndërkohë që kontrolli ka vazhduar brenda lokalit janë hasur edhe katërmbëdhjetë (14) persona ndaj të cilëve është shqiptuar fletëparaqitja administrative për mosrespektim të kufizimeve të lëvizjes.

I dyshuari;  A. S, mashkull 28 vjeç, shtetas i Republikës së Kosovës, është intervistuar nga policia dhe është proceduar më tej, përderisa në konsultim me Prokurorin e Shtetit është iniciuar hetim për posedim të paautorizuar të armës.

Shfaq komentet
comments powered by Disqus
Sot mund të lexoni Shfletoni kopertinat