Burri rrah brutalisht një grua në një supermarket të Prishtinës, ngjarja ndodh në sy të familjes së tij

Kronikë e zezë

Burri rrah brutalisht një grua në një supermarket të Prishtinës, ngjarja ndodh në sy të familjes së tij

Më: 25 tetor 2021 Në ora: 22:33
Foto ilustrim

Një grua që kishte dalë për të kryer pazarin në supermarketin “Interex”, në Lagjen e Spitalit, përfundoi në spital, pasi që një konsumator tjetër kishte vendosur të shfrynte nervozizmin e tij tek ajo.

Ndonëse ajo ishte e koncentruar duke shikuar artikujt dhe duke kryer blerje, një burrë i shoqëruar nga gruaja dhe djemtë e tij të mitur, u nervozua se pse karroca e saj ia zuri rrugën dhe filloi ta rrahë brutalisht.

Në një video të siguruar nga media shihet i dyshuari i cili fillimisht debaton me gruan dhe megjithëse ajo ia liron rrugën, ai fillon ta godasë.

Në sytë e gruas dhe fëmijëve ai e godet pamëshirshëm atë disa herë me karrocë, e më pas fillon ta godasë edhe me grushte.

Ani pse, gruaja e të dyshuarit arrin ta largojë njëherë, ai kthehet sërish dhe vazhdon ta godasë me grushte të panjohurën, derisa aty shkon edhe një konsumator tjetër për t’i ndarë.

commentFirst article
Sot mund të lexoni Shfletoni kopertinat