Kapet në flagrancë dilleri i drogës në Vushtrri, në çantë iu gjetën 25 qese me marihuanë dhe qindra euro

Kronikë e zezë

Kapet në flagrancë dilleri i drogës në Vushtrri, në çantë iu gjetën 25 qese me marihuanë dhe qindra euro

Më: 2 korrik 2022 Në ora: 16:44
Ilustrim

Hetimet për kapjen e të dyshuarve për shitblerje të substancave narkotike në rajonin e Mitrovicës po vazhdojnë duke aplikuar masa të fshehta.

Në vazhdën e këtyre aksioneve, Sinjali ka mësuar se mbrëmë në Vushtrri është arrestuar një 26-vjeçar, i cili dyshohet për shitje dhe shpërndarje të drogës.

Brenda Prokurorisë kanë bërë me dije se i dyshuari është kapur në flagrancë, në rrugën “Jeton Tërstena”, të Vushtrrisë, pak para mesnatës.

Gjatë kontrollit policor të 26-vjeçarit A.M., ai ka hedhur në tokë një çantë në të cilën janë gjetur mbi 25 qese me mariuanë dhe qindra franga zvicerane, funta angleze, dollarë amerikanë, rreth 1 mije euro, si dhe rupi indoneziane.

Mësohet se pas arrestimit dhe sekuestrimit të provave që lidhen me rastin, i dyshuari A.M., është dërguar në mbajtje për 48 orë.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat