Një aksident i rëndë trafiku ka ndodhur në rrugën nacionale Pejë-Prishtinë ku si pasojë ka mbetur i vdekur viktima mashkull kosovar.
Një shtetas i huaj i cili po qarkullonte me motoçikletë ka goditur këmbësorin mashkull kosovar.
Si pasojë e aksidentit viktima ka pësuar lëndime të rënda të cilave nuk arriti t'iu mbijetoi.
Me vendim të prokurorit trupi i pajetë është dërguar në IML për obduksion.
"Fushë Kosovë / 03.11.2025 – 17:35. Raportohet se në rrugën nacionale Pejë–Prishtinë ka ndodhur një aksident trafiku në mes të një motoçiklisti mashkull shtetas i huaj dhe viktimës mashkull kosovar (këmbësor). Si pasojë e aksidentit viktima ka pësuar lëndime të rënda dhe ka ndërruar jetë në vendin e ngjarjes. Me vendim të prokurorit trupi i pajetë është dërguar në IML për Obduksion", thuhet në raportin e Policisë së Kosovës.
