Ngjarje reale nga lufta e fundit në Kosovë

Kultura

Ngjarje reale nga lufta e fundit në Kosovë

Nga: Ilir Muharremi Më: 26 tetor 2021 Në ora: 17:10
Kopertina e librit

"Në baltën që ecnim, këmbët fundoseshin dhe  krijonin gropëza në masën e saj të ndritshme. Nga errësira e plotë ndriçimi i yjeve rritej, teksa ngjitej lart. Ishte një heshtje e plotë, për disa sekonda heshtja u thye, teksa dëgjoheshin breshëri plumbash nga larg. Pasi përfunduan plumbat, u dëgjua gurgullima e ujit.

Burri që ishte afër meje e hodhi vështrimin kah lumi, diku më poshtë, pikasur vetëm nga një lëvizje e gjerë terri, stërpikur aty-këtu me luspa përshkënditëse. Në anën tjetër duhej të ishte bregu. Te shpati atje vëreja një njeri që dukej dhe zhdukej, bëhej më i zmadhuar pas çdo shfaqjeje.

Drita e Hënës bëri që muskujt e tij të ujshëm të shndrisnin hera-herës. Pas tij, si nga toka dolën edhe tre burra të tjerë e në errësirën e plotë nuk mund ta vëreja uniformën e tyre. Ishin si duket ushtarët e Ushtrisë Çlirimtare të Kosovës. Fytyrat e tyre qenë të mbuluara me maska të zeza vetëm ky burrë nuk e kishte maskën. Vëreja një ftohtësi në mimkën e tij, jeta dhe vdekja për të ishin e njëjta gjë, tani ftotësia e kishte kapluar..."

Fragment nga romani "Ti" i Ilir Muharremit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat