T’i shkruash atdheut

Kultura

T’i shkruash atdheut

Nga: Ardian Haziri Më: 18 nëntor 2026 Në ora: 08:09
Ardian Haziri

T’i shkruash atdheut

është të bartësh peshën e fjalës,

se më të bukurat

mbeten gjithmonë të pathëna.

Atdheu ka fytyrën e nënës,

zërin e babait,

ngjyrat e flamurit,

kujtesën e heronjve.

Atdheu është gjuha

me të cilën po i shkruaj,

fjala që buron nga shpirti.

Asnjë varg nuk e nxë

madhështinë e atdheut.

Libri është streha e shpirtit,

por e vetmja dashuri më e madhe

se dashuria për librin

është ajo për atdheun.

Sot mund të lexoni Shfletoni kopertinat