Kush në Monte Karlo, kush në Bangladesh…

Kultura

Kush në Monte Karlo, kush në Bangladesh…

Nga: Gëzim Loka Më: 30 nëntor 2021 Në ora: 16:19
Gëzim Loka

Dita ik revan, ik me tërsëllimë

Zyra edhe shefa morën arratinë

Kush në Monte Karlo, kush në Bangladesh

Punët e Shqipërisë po na shkojnë për lesh.

Po na shkojnë për lesh, po na shkojnë për li,

Kush me pallë zhvesh, kush me pabesi,

Kush me drogë, hashash, pare pa mundim,

Kush në zyra shteti, korrupsion dhe krim.

Shqipëri me derte, dhimbje pa mbarim,

Loti po të mbyt, ç’mënxyrë e trishtim,

Nuk të dëgjon kush kur e thua fjalën,

Politikanët tanë kanë për motër ngjalën.

Zyrat po rënkojnë nga barra e mëkatit,

Zyrtarë të mbytur ia kanë mbathur vrapit,

Notojnë drejtorët në vaska argjendi,

Populli fle në rrugë, mban krye vendi.

Kush ishte në fund ka dalë më i pari,

Herë me lajkë dredhi, herë me armë zjarri,

Fukarai rënkon ndër shtresa mjerimi

Paradë mode bëjnë deliri dhe krimi…

Shqipëri e sertë, njëqind mote shtet,

Zyrtari katran po të shtyp dhe vret,

Po ta grin trupin mola, pabesia,

Po ta copton shpirtin maska, tradhtia.

Ecim njëshkolonë drejt demokracisë,

Pas na vjen treni i makut-hipokrizisë,

Ka një çerekshekulli themi drejt Evropës,

Disa po na duan popull në fund të gropës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat