Tre ushtarë serbë shtinin mbi trupat e shtrirë

Kultura

Tre ushtarë serbë shtinin mbi trupat e shtrirë

Nga: Ilir Muharremi Më: 21 janar 2022 Në ora: 20:47
Foto ilustrim

"Një ushtar serb në dorën e djathtë e mbante  automatikun, derisa me të majtën i tërhiqte zvarrë civilët dhe i përplaste në tokë, pastaj ushtarët e tjerë i zbraznin karrikatorët mbi trupat e brishtë dhe të njomë. I ndërronin karikatorët e rinj. Ulërima e njerëzve krijonte një tingull përsëritës dhe më goditi si një rufe e pamëshirshme në vesh, e pastaj edhe në shpirt.

Ndieja se po fundosesha drejt kthetrave të një çmendurie tronditëse. Sakaq u afruam te një gërmadhë e cila ishte e kapluar nga zjarri. Teksa zvarritesha në tokë mbi kufomat e civilëve shqiptarë u afrova te një mur në të cilin shkruante: “Samo sloga srbina spasava”.

U shtriva në mesin e kufomave, parakaluan tre ushtarë serbë, teksa shtinin mbi trupat e shtrirë, për fat nuk me preku asnjë plumb. E ngrita pak kokën dhe shumë afër qëndronin katër ushtarë serbë, dukej se bisedonin diçka..."

Fragment nga romani "Ti" i Ilir Muharremit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat