Unë kalorësi i fjalës

Kultura

Unë kalorësi i fjalës

Nga: Agim Desku Më: 4 korrik 2022 Në ora: 12:50
Agim Desku

Sot jam i lumtur që e gjeta Hyjin tim të fjalës

T'i falëm bekimit të tij

Symijë vjet jam e më shumë jm kalorës i fjalës

Nuk është shumë ,por as pak kalërimi im

Bashkë me Adamin e nisëm jetën në tokë

Në fillim krijuam mbretërinë e fjalës

 

U bëmë dëshmitarë të parë të zanave

Peng i fjalës mbetëm për të krijue zotnat tonë

Edhe sot jemi në kërkim të dimë

Cili është Zoti ynë dhe kush na vjedhi gjuhën e tij

 

Pse sot nuk e flasim gjuhën pa urrejtje

Me mijëra pyetje i kam për Hyjin tim pellazg

Nëse isha krijesa e parë e njeriut në tokë

Ç'të duheshin demonët kur i krijove si përandorë

 

Pse deshën të më zhdukun nga faqja e dheut

Më thuaj Hyji im Pellazg

cili nga ju m'i bashkoj kufijtë e zemrës

Me të tokës

 

Ah ,ndjesë pastë babi im

Kur më thoshte se Zoti im është fjala

Dhe toka e miku i mirë

Për të trijat fisi im dha shumë

Sa shumë i rujti dhe u sakrifikue për to

Sot jam i lumtur që e gjeta Hyjin tim të fjalës

T'i falëm bekimit të tij

Edhe për dashuritë venedikiane

 

Për tokën s'kemi nevojë për lutje

Jemi së bashku me kalorësit e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat