Para dy vitesh, skulptori i mirënjohur nga Kosova Destan Gashi ka lëvizur vendin e ateliesë prej Himbergut në Bad Vöslau të Austrisë.
Tani më ka bërë traditë që dy herë në vit të hap atelienë e tij për publikun, njëherë në pranverë dhe të dytën herë në vjeshtë, duke hapur ekspozita me veprat e tij të reja.
Edhe piktorja Barbara Gashi, bashkëshortja e skulptorit Destan Gashi, merr pjesë në keto ngjarje me pikturat e saja.
Çifti i artistëve Gashi, kanë studiuar së bashku në Akademinë e Arteve të Bukura në Bruksel në vitet 80. Destani në atë kohë ka filluar studimet për skulpturë, pas diplomimin në pikturë, ndërsa Barbara ka hyrë si studente në atelienë e pikturës.
Në hapje të ekspozitës ( prill 20205) para disa ditësh, ishin të pranishëm artdashës të shumtë, por edhe përfaqësues të politikës e diplomacisë.
Vend punimi ( atelea e Destanit) dhe skulpturat e reja nga mermeri lanë mbresa të mrekullueshme për vizitorët, duke shpërfaqur artin unikat të cilin e krijon me shumë pasion e dashuri Destani.
Ekspozita e Destanit dhe Barbares bëri jehonë në shtypin vjenez, të cilat bënë paralajmërim disa ditë para hapjes së ekspozitës. Mediat e gazetat të shumta kishin paralajmëruar ekspozitën disa ditë përpara.
Christian Flammer: Destan Gashi është një artist i jashtëzakonshëm
Kryetari i Qytetit Bad Vöslau, Christian Flammer erdhi për herë të parë në atelienë e skulptorit dhe ishte i befasuar me veprat e veçanta të artit të ekspozuara. Flammer vizitoi atelienë së bashku me Këshilltarjen e Qytetit Doris Sunk.
Christian Flammer vlerësoi lartë skulpturat e Destanit duke u shprehur se, Destan Gashi eshtë një artist i jashtëzakonshëm. I mrekulluar me veprat e artistëve Gashi, kryetari planifikon një ekspozitë në qytet me veprat e çiftit për vitin e ardhshëm.
Piktorja Barbara Gashi, me shumë dashuri me gjuhën e një artisteje të vyeshme, u shpjegon mysafirëve për skulpturat e Destanit dhe prezantonte disa tablo të reja në galerinë e ateliesë me të cilat ajo krijonte një atmosferë ngjyrash të ngrohtë dhe të këndshme.
Ishte prezent edhe impresionuar nga skulpturat dhe pikturat edhe Markus Wertek, Këshilltari i Kulturës e Qytetit.
Por mysafir i Nderit dhe i papritur ishte Lukas Mandl, cili është Deputet në Parlamentin Evropian në Bruksel dhe në Straßbourg, dhe është mik i ngusht të Kosovës, i cili kishte ardhur së bashku me Këshilltarin e Qytetit Phillip Schottleitner.
Lukas Mandl njeh çiftin e artisësh Barbara dhe Dastanin, si dhe krijimtarinë e tyre artistike prej disa vitesh. Ai ka vizituar ekspozitat e tyre në Vjenë dhe ka prezentuar në vitin 2023 një vepër madhore të Destanit në Landhaus NÖ në Vjenë.
Eurodeputeti Mandl ishte shumë i interesuar për veprat nga guri sidomos për skulpturat nga mermeri i Kosovës dhe për temat e tyre, për legjendat dhe për tregime nga Kosova. Ai qëndronte me kënaqësi më shumë se një orë në atelie, gjithmonë me pyetje e interesimin për Artin dhe për Kosovën.
Barbara e Destan Gashi do të kenë dy ekspozita në Bruksel këtë vit, një në fund gushti në muzeun BCV në Koekelberg dhe më pas një tjetër në Parlamentin Evropian.
Ajete ZOGAJ
