Maja e bjeshkës nuk matet me sy

Kultura

Maja e bjeshkës nuk matet me sy

Nga: Adem Bytyçi Më: 20 tetor 2025 Në ora: 17:02
Foto ilustrim

Maja e bjeshkës nuk matet me sy,

por me këmbë.

Sytë të mashtrojnë, këmbët

të japin rezultatin e saktë.

Maja e bjeshkës me sy e kanë matur

ata që i bënë koncesione Serbisë

pas luftës, në dëm të Kosovës.

Kosova gjatë do të ndjejë pasojat

e këtyre koncesioneve, nga ata që

historikisht e kanë luftuar kombin tonë.

Shqipërinë donin ta shlyenin nga faqja e dheut.

Pas çlirimit, negociatorët kosovarë

me ata serbë, të paditur, bënë koncesione,

duke i mundësuar Serbisë të drejtën e eksteritorialitetit

në trashëgiminë e kishave dhe manastireve ortodokse,

të cilat në të vërtetë ishin trashëgimi e kishave dhe manastireve ortodokse shqiptare.

Negociatorët shqiptarë në negociata me palën serbe

shkuan edhe më larg në dëm të Kosovës,

duke relativizuar sovranitetin e shtetit,

duke themeluar Bashkësinë e Komunave të Pakicës Serbe —

zgjidhja më e rëndë kundër tërësisë tokësore të Kosovës.

Lajmi më trishtues për qytetarët e Kosovës është

që përpjekjet për pushtet bëhen përsëri nga ata

që ia kanë shkaktuar dëmet më të mëdha vendit,

duke bashkëpunuar me forcata reaksionare

dhe ultranacionaliste serbe kundër Kosovës.

Tradhtia ka emër.

Kush e ka tradhtuar Kosovën në negociatat me Serbinë pas luftës,

dihet;

të tjerët nuk do të jenë larg dita

kur historia do t’i zbulojë dhe identifikojë.

Këta përjetësisht do të mbesin turpi

i kauzës së drejtë të Kosovës.

Qytetarët shqiptarë

do të jenë pa fat

për sa kohë mbetjet bolshevike

do të udhëheqin kombin

e Gjergj Kastriotit Skënderbeut,

dhe do të vendosin raporte me Serbinë,

e cila tri herë gjatë historisë

është munduar të çfarosë

popullin shqiptar nga faqja e dheut.

comment Për komente lëvizni më poshtë
Sot mund të lexoni Shfletoni kopertinat