Në skenën e gurët të Kalasë së Argjirosë në Gjirokastër u ngjit një grup instrumentistësh nga Kosova.
Me tingujt e instrumenteve, ata tërhoqën publikun gjirokastrit, duke i dhënë më shumë gjallëri një prej monumenteve më të rëndësishme të qytetit të gurtë.
Artistët shprehën kënaqësinë që patën mundësinë të performonin për artdashësit shqiptarë në Gjirokastër.
Edhe gjatë vjeshtës, në qytetin e gurtë po zhvillohen një sërë aktivitetesh kulturore që synojnë të gjallërojnë jetën artistike dhe të tërheqin më shumë vizitorë.