Të udhëtosh me dikë, qoftë partneri juaj qoftë një mik i juaji, mund t’ju tregojë shumë gjëra për personin në fjalë.
Vetëm pse kaloni mirë në jetën e përditshme, s’do të thotë se medoemos do t’ia kaloni mirë edhe nëse udhëtoni bashkë.
Kjo për shkak se njerëzit i planifikojnë secili ndryshe-ndryshe objektivat e udhëtimeve, dhe nëse nuk jeni në udhëtim me dikë që e ndanë të njëjtin vizion me ju, gjërat mund të ngatërrohen shumë.
Para se të merrni vendimin që të udhëtoni me mikun apo partnerin tuaj, këto janë pyetjet që duhet t’ia bëni vetes, shkruan Huffington Post.
Cilat janë qëllimet e udhëtimit?
A keni jetën e natës prioritet?
A ju pëlqejnë shëtitjet me ciceronë, apo parapëlqeni të gjendeni vetë?
Sa hapësirë i lejoni spontanitetit?
Si i përballoni situatat stresuese?
Sa aventurier do të jeni me ushqimin?
A ju pengon të rrini vetëm për ca kohë?
