Ndihmohen pesëmbëdhjetë familje mitrovicase me pako ushqimore, veshmbathje dhe lodra për fëmijë

Mitrovica

Ndihmohen pesëmbëdhjetë familje mitrovicase me pako ushqimore, veshmbathje dhe lodra për fëmijë

Më: 28 dhjetor 2021 Në ora: 18:20
Pamje nga vendi i ngjarjes

Në prag të festave të fundvitit, Regjimenti KFOR - MSU Karabinieri kanë ndihmuar pesëmbëdhjetë familje mitrovicase me gjendje të rëndë ekonomike që marrin asistencë sociale duke i mbështetur me pako ushqimore, veshmbathje dhe lodra për fëmijë.

Këtij aktiviteti humanitar të Regjimentit të KFOR - MSU Karabinieri i është bashkangjitur edhe kryetari i komunës, Bedri Hamza, si dhe komandanti i karabinierëve, kolonel Stefano Fedele.

Kryetari Hamza, ka falënderuar karabinierët italianë, për misionin e tyre që po e zhvillojnë në Kosovë, duke u shprehur mirënjohës ndaj popullit italian të cilët janë miq të mirë të Kosovës dhe mbështetës të fortë në rrugën tonë drejt zhvillimit ekonomik të vendit.

“Falënderoj komandantin Fedele dhe bashkëpunëtorët e tij për misionin e tyre të shenjtë në Kosovë, njëkohësisht u jam mirënjohës popullit italian të cilët me parat dhe taksat e tyre po kontribuojnë në zhvillimin dhe ndërtimin e vendit tonë”, ka thënë kryetari Hamza.

Ndërsa, komandanti i Regjimentit KFOR - MSU Karabinieri, kolonel Stefano Fedele, bëri të ditur se ndihet shumë i lumtur që pikërisht në Mitrovicë, po ndihmohen këto familje me dëshirën që në prag të festave të fundvitit në çdo familje të ketë gëzim e lumturi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat