Komuna e Mitrovicës paralajmëron shqiptimin e gjobave për ndotësit e ambientit

Mitrovica

Komuna e Mitrovicës paralajmëron shqiptimin e gjobave për ndotësit e ambientit

Më: 21 shkurt 2022 Në ora: 13:30
Foto ilustrim

Drejtoria e Inspekcionit në Komunën e Mitrovicës në bashkëpunim me Policinë e Kosovës gjatë vikendit kanë kryer inspektime në disa lokacione ku qytetarët kanë paraqitur ankesa për ndotje të ambientit.

Sipas tyre ndotja e ambientit po shkaktohet nga persona (pronarë të bizneseve hekrari dhe deponive të veturave jashtë përdorimit), të cilët ndezin goma dhe masa të ndryshme të plastikës me përmbajtje kancerogjene për qëllime komerciale.

Lidhur me këtë, inspektorët komunalë së bashku me Policinë i janë përgjigjur ankesave të disa qytetarëve dhe kanë identifikuar dy lokacione ku është shkaktuar ndotja e ambientit, me ç’rast ndaj subjektit ekonomik në fshatin Kçiq i Madh është iniciuar procedurë administrative.

Drejtori i Inspekcionit, Valon Brahimi, ka bërë thirrje që të ndërpritet kjo praktikë, duke njoftuar se inspektorët komunal do të kryejnë inspektime sistematike në funksion të mbrojtjes së mjedisit dhe për ndotësit e ambientit do të shqiptohen gjoba.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat