Dyshohet se e kreu një vrasje në Mitrovicë, vetëdorëzohet në polici

Mitrovica

Dyshohet se e kreu një vrasje në Mitrovicë, vetëdorëzohet në polici

Më: 8 prill 2022 Në ora: 17:11
Ndaj të dyshuarit është caktuar masa e ndalimit për 48 orë

Policia e Kosovës ka njoftuar se është arrestuar sot F.V., 29-vjeçar, i dyshuar për vrasje të rëndë.

Sipas policisë ai dyshohet se ka kryer një vrasje në korrik të vitit të kaluar në rrugën “Evlia Qelebia” në Mitrovicën e Jugut.

D.S. 49-vjeçar kishte mbetur i vdekur, ndërsa ishte plagosur edhe një person tjetër.

Ndaj të dyshuarit është caktuar masa e ndalimit për 48 orë.

Njoftimi i plotë:

Arrestohet një person i dyshuar për veprën penale “Vrasje e rëndë”

Mitrovicë, 08 prill  2022

Në orët e mesditës së sotme të datës 08 prill 2022, në Sektorin Rajonal të Hetimeve është vetdorëzuar i dyshuarit  F. V., 29 vjeçar, shtetas të Republikës së Kosovës.

I dyshuari  kohë më parë,  është shpallur në kërkim  policor si i dyshuar për  veprën penale ’’Vrasje e rëndë”, e ndodhur më datën  10 korrik 2021, në rrugën “Evlia Qelebia” në Mitrovicën e Jugut, ku si pasojë e plagëve të marra nga arma zjarrit  ka vdekur viktima D. S., i moshës 49 vjeçar, ndërsa i plagosur kishte mbetur edhe një person tjetër.

Pas intervistimit me aktvendim të prokurorit të rastit, ndaj të dyshuarit  është caktuar  masa e ndalimit për 48 orë.

Vrasje e rëndë

Mitrovicë,  10 korrik  2021

Me datën 10 korrik 2021, në ora 00:20, policia në Mitrovicën e Jugut, ka pranuar informatën për të shtëna  me arme zjarri në  rrugën ‘Evlia Qelebia’. Me të pranuar informatën, në vendin e ngjarjes me urgjencë kanë dalë  të gjitha njësitet e nevojshme policore.

Nga  informatat e para nga vendi i ngjarjes është kuptuar se si pasojë e të shtënave me armë zjarri, dy persona ishin plagosur të cilët me urgjencë janë dërguar në Spitalin Rajonal në Mitrovicë, më pas janë dërguar në QKUK- Prishtinë.

Ndërsa rreth orës 02:00, nga autoritetet spitalore është raportuar se njëri nga të plagosurit, viktima D. S., 49 vjeçar, si pasojë e plagëve ka vdekur, ndërsa i  plagosuri tjetër viktima  J. S., 52 vjeçar, mbetet  në tretman të mëtejmë mjekësor.

Pas  ekzaminimeve të kryera në vendin  e ngjarjes, hetuesit e krim-teknikës si prova materiale kanë gjetur katër (4) gëzhoja dhe një predhë të plumbit si dëshmi  materiale që ndërlidhen me rastin.

Nga  hetimet e deritanishme dhe dyshimet e ngritura, dy persona të dyshuar janë  në kërkim policor identiteti i të cilëve tashmë është i njohur për policinë.

Rrjedha hetimore është duke vazhduar në drejtim të arrestimit të personave të dyshuar si dhe zbardhjes së të gjitha rrethanave që ndërlidhen me rastin e veprës penale ’’vrasje e rëndë’’. Trupi i pajetë i viktimës është dërguar për obduksion në IML.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat